ཕྱི་ལོ་ ༢༠༠༨ ཟླ་ ༡༠ ཚེས་ ༣༠ རེས་གཟའ་ཕུར་བུ།

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་དང་། སྐུ་ཚབ་སྐལ་བཟང་རྒྱལ་མཚན་མཆོག་དང་ལྷན་དུ་ཁོང་རྣམ་པའི་ཕྱག་རོགས་བགྲེས་པ་རྣམས་རྒྱ་ནག་གཞུང་གི་དཔོན་རིགས་ཁག་དང་འབྲེལ་མོལ་བཀའ་བསྡུར་ཐེངས་བརྒྱད་པ་གནང་ཆེད་དེ་རིང་རྒྱ་ནག་ཏུ་ཕེབས་འབྱོར་གནང་རྒྱུ་རེད།

སྐུ་ཚབ་རྣམ་པ་པེ་ཅིང་དུ་ཐེངས་བདུན་པའི་འབྲེལ་མོལ་མཇུག་སྐྱོང་གནང་རྒྱུ་དང་ཐེངས་འདིར་སྐུ་ཚབ་རྣམ་པ་བདུན་ཕྲག་གཅིག་རིང་འབྲེལ་མོལ་གནང་རྒྱུ་རེད།

སྐུ་ཚབ་རྣམས་འདི་ནས་མ་ཐོན་གོང་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་ནས་ལྡི་ལི་གསར་པར་མཐའ་མའི་མཇལ་མོལ་དེ་གནང་ཡོད་པ་རེད།

ཕྱི་ལོ་ ༢༠༠༨ ཟླ་ ༡༠ ཚེས་ ༣༠ ལ།

དྲིལ་བསྒྲགས་དྲུང་ཆེ་ཐུབ་བསྟན་བསམ་འཕེལ།།

འབྲེལ་གཏུགས་ཞུ་ཡུལ།

དྲིལ་བསྒྲགས་དྲུང་ཆེ་ཐུབ་བསྟན་བསམ་འཕེལ།

བོད་གཞུང་ཕྱི་དྲིལ་ལས་ཁུངས།

ཞལ་པར་ཨང་གྲངས།

༠༡༨༩༢,༢༢༢༥༡༠,༢༢༢༤༥༧,༢༢༤༦༦༢