ཕྱི་ལོ་ ༢༠༠༨ ཟླ་ ༩ ཚེས་ ༡༨ རེས་གཟའ་ཕུར་བུ།
ཚོགས་དུས་མཐའ་མའི་ཉིན་སྤྱི་འཐུས་རྒྱུན་ལས་ཀྱི་སྙན་ཐོའི་ཐོག་བགྲོ་གླེང་ཟིན་པར་འབྲེལ་ཡོད་བཀའ་བློན་རྣམ་པས་གསལ་བཤད་ལན་འདེབས་གནང་བ་སོགས་གྲུབ་རྗེས་དཔལ་ལྡན་བཀའ་བློན་ཁྲི་པ་རིན་པོ་ཆེ་མཆོག་ནས་བཀའ་ཤག་གི་གསལ་བཤད་གནང་བའི་ནང་གསུང་དོན། བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་ནང་བོད་མི་མང་སྤྱི་འཐུས་ལྷན་ཚོགས་ཁྲིམས་བཟོའི་དབང་འཛིན་ནང་བཞག་ཡོད་པ་རེད། སྤྱི་འཐུས་ལྷན་ཚོགས་མཚན་གནས་རྗེས་འབྲེལ་གྱི་ཐུགས་འགན་གཙོ་བོ་ནི་ཁྲིམས་བཟོ་ཡིན་པ་རེད། ཁྲིམས་བཟོའི་ལས་དོན་དེ་གྲོས་ཚོགས་ཀྱི་ལས་རིམ་ཚང་མའི་ནང་ནས་གལ་ཆེ་ཤོས་ཤིག་དང་། ཁྲིམས་བཟོའི་ལས་རིམ་རྣམས་གྲུབ་རྗེས་དུས་ཚོད་ལྷག་བསྡད་སྤྱི་ཚོགས་དང་། ཆབ་སྲིད་ཐོག་བཏང་གནང་བ་དེ་འཛམ་གླིང་མང་གཙོའི་རྒྱལ་ཁབ་ཚང་མའི་སྤྱི་སྲོལ་རེད་བསམ་གྱི་ཡོད། སྔོན་མའི་གྲོས་ཚོགས་དང་། ད་ལྟའི་གྲོས་ཚོགས་སྐབས་གཉིས་ཀའི་ནང་དུས་ཚོད་ཉུང་ཤོས་དང་གལ་གནད་ཆུང་ཤོས་ཁྲིམས་བཟོའི་ལས་དོན་ཐོག་རྩིས་གནང་བ་བཀའ་ཤག་གིས་ཚོར་བ་བྱུང་། ལྷག་པར་དུ་སྔོན་མ་ནས་ཡོང་བསྡད་པའི་ལས་ཤག་དང་། བགྲེས་ཤག་བགོ་འགྲེམས་ཀྱི་སྒྲིག་གཞི་བསྐྱར་བཅོས་ཡིག་ཆ་ཨང་ ༤༠ ད་རེས་ འགྲོ་ཐུབ་ཀྱི་ཡོད་པའི་གཞི་བཞག་པ་ཡིན། གྲོས་ཚོགས་ཚོགས་དུས་གསུམ་ནང་ནར་ཡོང་བའི་གནས་སྟངས་ཤིག་རེད། བཀུར་འོས་སྤྱི་འཐུས་རྣམ་པ་ཚོས་ཐུགས་ཚོར་བ་ཆེན་པོའི་ཐོག་ནས་གཞུང་ཞབས་ལས་བྱེད་དང་། སྲི་ཞུ་བ་ཚོའི་བདེ་དོན་ཐོག་བཀའ་ཤག་ནས་བྱས་དང་བྱེད་བཞིན་པའི་ ཐོག་ཡང་ཡང་དགོངས་འཆར་ཕེབས་ཀྱི་ཡོད་པ་རེད། ཡིན་ནའང་ལས་བྱེད་པའི་བདེ་དོན་དང་འབྲེལ་བའི་གནས་ཚུལ་ཁྲིམས་བཟོ་ལྷན་ཚོགས་ནས་ཐུགས་ཐག་བཅད་གནང་དགོས་རྒྱུ་དེ་ཚོ་ཧ་ཅང་གི་ཐུགས་སྣང་ཆུང་ཆུང་ཐོག་ནས་འཇོག་གནང་གི་འདུག ད་རེས་ལས་ཤག་དང་བགྲེས་ཤག་གི་ཡིག་ཆ་དེའི་ནང་སྤྱིར་གཞུང་ཞབས་ཡོངས་རྫོགས་དང་ལྷག་པར་དུ་རྒས་ཡོལ་ཕེབས་པ་ཉེ་བའི་གཞུང་ཞབས་དེ་ཚོའི་ཁེ་ཕན་དང་ཐད་ཀར་འབྲེལ་བ་ཡོད་པ་མང་པོ་དེའི་ནང་ལྷག་ཡོད་པ་རེད། ཟླ་བ་དྲུག་གི་རྗེས་གྲོས་ཚོགས་ཚོགས་གནང་སྐབས་ཐོན་ཐུབ་ཀྱི་ཡོད་མེད་ཤེས་ཀྱི་མིན་འདུག་ཀྱང་། དེའི་བར་རྒས་ཡོལ་ལ་ཕེབས་མཁན་ཡོད་ཚེ་ཁོང་ཚོའི་ཁེ་ཕན་ཐོག་གང་ཙམ་གནོད་འགྲོ་བའི་གནས་སྟངས་ཆགས་ཡོད་པ་རེད། ཅེས་ཁྲིམས་བཟོའི་ལས་དོན་ཐོག་དུས་ཚོད་མ་བཏང་བ་དང་། ཐུགས་སྣང་མ་གནང་བ་དེར་བཀའ་ཤག་སེམས་ཕམ་དང་ཡིད་ཐང་ཆད་ཚུལ་སོགས་ཀྱི་གསུང་བཤད་གནང་བ་ཡོད་པ་རེད།
དེ་རྗེས་བོད་མི་མང་སྤྱི་འཐུས་ཚོགས་གཙོ་མཆོག་ནས་གསུང་བཤད་གནང་བའི་ནང་། སྤྱི་འཐུས་ཚོགས་གཙོའི་ལས་ཡུན་ལོ་གཉིས་དང་ཕྱེད་ཀ་ཡོད་པའི་ནང་ནས་ཟླ་བ་གཉིས་དང་ཕྱེད་ཀ་ཙམ་མ་གཏོགས་དུས་ཡུན་རྫོགས་འགྲོ་གི་ཡོད་པ་རེད། དེ་འདྲའི་མཚམས་ནས་རོབ་ཙམ་ཕྱིར་བལྟས་བྱེད་སྐབས་གཙོ་བོ་ཚོགས་གཙོ་སྦྲེལ་པོ་དང་རྒྱུན་ལས་བཅས་ཀྱི་རྒྱབ་སྐྱོར་ཐོག་ནས་བོད་མི་མང་སྤྱི་འཐུས་ལྷན་ཚོགས་ནས་ཕྱག་ལས་མང་པོ་གནང་གི་ཡོད་པ་རེད། མང་ཆེ་བ་བོད་པའི་སྤྱི་ཚོགས་ཀྱི་དོན་དང་། དེ་ཡང་བཙན་བྱོལ་སྤྱི་ཚོགས་ཀྱི་དོན་ལ་ཕྱག་ལས་གནང་གི་ཡོད་པ་རེད། ངའི་བསམ་པར་ལས་ཡུན་དེའི་རིང་སྤྱི་འཐུས་རྣམ་པས་རྒྱལ་སྤྱིའི་ནང་ཕྱག་ལས་གནང་རྒྱུ་དང་། རྒྱལ་སྤྱིའི་ནང་ཆེ་མཐོང་གོང་མཐོར་བཏང་ཐུབ་ན་བསམ་པའི་ཐོག་ནས་མ་འོངས་པའི་ཚོགས་ གཙོ་འོས་འདེམས་བྱུང་བར་བཀའ་བསྡུར་ཞུས་ཏེ་རྒྱབ་སྐྱོར་བྱུང་། སྤྱི་འཐུས་གང་མང་ཕྱི་རྒྱལ་གྱི་གྲོས་ཚོགས་ཁག་དང་། རྒྱལ་སྤྱིའི་ཚོགས་འདུ་ལ་སོགས་པ། དེ་བཞིན་གོ་རྟོགས་སྤེལ་རྒྱུའི་ཚོགས་འདུ་བཅས་ཀྱི་ནང་ཕེབས་ཐུབ་རྒྱུའི་འཆར་གཞི་དང་། དེ་བཞིན་ང་ཚོའི་མཛའ་འབྲེལ་གྱི་རྒྱལ་ཁབ་ཚོའི་ནང་ནས་གྲོས་ཚོགས་ཀྱི་འཐུས་མི་དང་། ས་གནས་གྲོས་ཚོགས་ཀྱི་འཐུས་མི་སོགས་གང་མང་ང་ཚོའི་གྲོས་ཚོགས་སུ་ཕེབས་ནས་གོ་བསྡུར་དང་བསམ་ཚུལ་བརྗེ་ལེན་སོགས་གནང་རྒྱུའི་ལས་རིམ་ཞིག་བརྩམས་ཡོད་པ་དེ་ཡག་པོ་བྱུང་སོང་བསམ་པ་ཡང་ཡོད། དབུས་རྒྱ་གར་གྲོས་ཚོགས་ཀྱི་འཐུས་མི་འདིར་ཕེབས་རྒྱུའི་འཆར་གཞི་བཟོ་སྐབས་དེའི་ཐུགས་འགན་གཙོ་དང་། རྒྱལ་སྤྱིའི་ནང་ཆེ་མཐོང་གོང་མཐོར་བཏང་ཐུབ་ན་བསམ་པའི་ཐོག་ནས་མ་འོངས་པའི་ཚོགས་གཙོ་འོས་འདེམས་བྱུང་བར་བཀའ་བསྡུར་ཞུས་ཏེ་རྒྱབ་སྐྱོར་བྱུང་། སྤྱི་འཐུས་གང་མང་ཕྱི་རྒྱལ་གྱི་གྲོས་ཚོགས་ཁག་དང་། རྒྱལ་སྤྱིའི་ཚོགས་འདུ་ལ་སོགས་པ། དེ་བཞིན་གོ་རྟོགས་སྤེལ་རྒྱུའི་ཚོགས་འདུ་བཅས་ཀྱི་ནང་ཕེབས་ཐུབ་རྒྱུའི་འཆར་གཞི་དང་། དེ་བཞིན་ང་ཚོའི་མཛའ་འབྲེལ་གྱི་རྒྱལ་ཁབ་ཚོའི་ནང་ནས་གྲོས་ཚོགས་ཀྱི་འཐུས་མི་དང་། ས་གནས་གྲོས་ཚོགས་ཀྱི་འཐུས་མི་སོགས་གང་མང་ང་ཚོའི་གྲོས་ཚོགས་སུ་ཕེབས་ནས་གོ་བསྡུར་དང་བསམ་ཚུལ་བརྗེ་ལེན་སོགས་གནང་རྒྱུའི་ལས་རིམ་ཞིག་བརྩམས་ཡོད་པ་དེ་ཡག་པོ་བྱུང་སོང་བསམ་པ་ཡང་ཡོད། དབུས་རྒྱ་གར་གྲོས་ཚོགས་ཀྱི་འཐུས་མི་འདིར་ཕེབས་རྒྱུའི་འཆར་གཞི་བཟོ་སྐབས་དེའི་ཐུགས་འགན་གཙོ་བོ་ལྡི་ལིར་ཡོད་པའི་བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གིས་གཙོ་བོ་འབྲེལ་བ་གནང་གི་ཡོད་པ་རེད། དེ་དུས་འཆར་གཞི་བཟོ་སྐབས་གསུམ་བཅུའི་དུས་དྲན་དང་སྟབས་བསྟུན་ནས་འཆར་གཞི་བཟོས་གནང་བར་རྒྱ་གར་གྲོས་ཚོགས་ཀྱི་འཐུས་མི་གང་མང་ཕེབས་ཐུབ་པ་བྱུང་ཡོད་ཅེས་དང་། དེ་ནས་མུ་མཐུད་གསུང་དོན། དུས་ཡུན་དེའི་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་དགུང་སྐེག་གི་ཆེས་མཐོའི་ཞབས་རིམ་ཚོགས་ཆུང་ཞིག་བཙུགས་ཐུབ་པ་བྱུང་བ་དང་།
