ཕྱི་ལོ་ ༢༠༠༨ ཟླ་ ༩ ཚེས་ ༣ རེས་གཟའ་ལྷག་པ།

༄༅། །བོད་གཞུང་ཤེས་རིག་ལས་ཁུངས་ནས་ཕྱི་ལོ་ ༢༠༠༢ ལོར་བོད་གཞུང་དགའ་ལྡན་ཕོ་བྲང་དབུ་བརྙེས་ནས་མི་ལོ་ ༣༦༠ འཁོར་བའི་དུས་ཆེན་སྲུང་བརྩི་ཞུས་བསྟུན་དམིགས་བསལ་ལས་འགུལ་སྤེལ་བའི་ཁོངས་ནས་རྒྱ་གར་རྒྱལ་ཡོངས་འཛིན་རིམ་ ༡༢ ཡིག་རྒྱུགས་ཆེན་མོའི་ནང་ཚན་རིག་དང་། སྒྱུ་རྩལ། ཚོང་རིག་བཅས་སློབ་ཚན་སྡེ་ཁག་སོ་སོ་ནས་ཤེས་ཡོན་རྩེ་ཕུད་སློབ་ཕྲུག་རེ་ལ་དགའ་ལྡན་ཕོ་བྲང་གི་གཟེངས་རྟགས་ཞེས་གནང་སྲོལ་བྱུང་སྟེ་འདི་ལོ་བྱ་དགའ་ཐེངས་བདུན་པའི་ལེགས་སྐྱེས་སུ་ཕྱག་འཁྱེར་དང་། ཧིན་སྒོར་ ༥༠༠༠ དཔེ་དེབ་ཁག་ཅིག་བཅས་དཔལ་ལྡན་བཀའ་བློན་ཁྲི་ཚབ་མཆོག་ནས་གསོལ་སྩལ་གནང་བའི་སློབ་མའི་མཚན་གཞུང་གཤམ་གསལ།

དཔལ་ལྡན་བཀའ་བློན་ཁྲི་ཚབ་མཆོག་ནས་བྱ་དགའ་ཐོབ་མཁན་རྣམས་ལ་གསོལ་སྩལ་གནང་བཞིན་པ།

༡༽ཚན་རིག་སྡེ་ཚན་ཁོངས་ནས། མ་སུ་རི་བོད་ཁྱིམ་གྱི་སློབ་མ། ངག་དབང་དབྱངས་འཛོམས་ལགས། བརྒྱ་ཆ་ ༨༡ ད་ལྟ་མ་ནི་པལ་མཐོ་སློབ་ཁང་དུ་(Manipal Academy of Higher Education)སློབ་སྦྱོང་གནང་མུས་དང་།

༢༽སྒྱུ་རྩལ་སྡེ་ཚན་ཁོངས་ནས། གྷོ་པལ་པུར་བོད་ཁྱིམ་གྱི་སློབ་མ། བསོད་ནམས་སྒྲོལ་དཀར་ལགས། བརྒྱ་ཆ་ ༨༦ ད་ལྟ་ལྡི་ལི་ལེ་ཌི་ཤྲི་རམ་བུ་མོའི་མཐོ་སློབ་ཁང་དུ་(Lady Shri Ram College for women, Delhi)སློབ་སྦྱོང་གནང་མུས།

༣༽ཚོང་རིག་སྡེ་ཚན་ཁོངས་ནས། སྦེལ་ཀོབ་བོད་ཁྱིམ་གྱི་སློབ་མ། ཐུབ་བསྟན་རིག་འཛིན་ལགས། བརྒྱ་ཆ་ ༨༦།༨ ད་ལྟ་ཅི་ནེའི་ལོ་ཡ་ལ་མཐོ་སློབ་ཁང་དུ་ཚོང་རིག་མཐོ་སློབ་ཁང་དུ་(Loyala College, Chennai)སློབ་སྦྱོང་གནང་བཞིན་ཡོད་འདུག