ཕྱི་ལོ་ ༢༠༠༨ ཟླ་ ༧ ཚེས་ ༢༢ རེས་གཟའ་མིག་དམར།
༄༅། །ཚང་མས་དགོངས་པར་མངའ་གསལ་བཞིན། དེ་སྔ་བདེ་སྲུང་ལས་ཁུངས་སུ་ཆུ་ཚོད་ ༢༤ རིང་འབྲེལ་མཐུད་སྡེ་ཚན་ཆེད་བཙུགས་གནང་ཡོད་འདུག་ཀྱང་། འབྲེལ་བ་གནང་མཁན་ཉུང་བ་དང་ལས་བྱེད་མང་ཆེ་བར་ལག་ཐོག་ཁ་པར་ཡོད་སྟབས་འབྲེལ་མཐུད་སྡེ་ཚན་གནས་སྐབས་ཕྱིར་བསྡུ་གནང་ཡོད་པ་རེད། ཡིན་ནའང་འདི་ལོ་གསུམ་བཅུའི་དུས་དྲན་ཐེངས་ ༤༩ ནས་བཟུང་ད་བར་གཞིས་ལུས་ཆོལ་གསུམ་རྒྱ་ཆེའི་མང་ཚོགས་ནས་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་དང་གནོན་ཤུགས་ལ་མ་བཟོད་པར་ཞི་བའི་སྒེར་ལངས་ཤུགས་ཆེ་བྱས་པར་རྒྱ་ནག་གཞུང་ནས་དྲག་པོའི་དམག་དཔུང་ཁྱོན་ཆེ་བཏང་སྟེ་དྲག་གནོན་ཚད་ལས་བརྒལ་བ་བྱས་ཏེ་བོད་མི་མང་པོ་དམར་གསོད་དང་། དེ་ལས་མང་བ་རྨས་སྐྱོན། དེ་ལས་ཀྱང་ཆེས་མང་བ་གང་བྱུང་འཇུ་བཟུང་གིས་བཙོན་འཇུག་བྱས་རྐྱེན་རྒྱལ་སྤྱིའི་ནང་དོ་སྣང་ཤུགས་ཆེ་བྱེད་དགོས་པའི་གནད་དོན་ཞིག་ཏུ་གྱུར་ཡོད་སྟབས། རྒྱ་ནག་གཞུང་ནས་སྨྱོ་ཧམ་ཆེན་པོས་དེ་དག་༸གོང་ས་༸སྐྱབས་མགོན་ཆེན་པོ་མཆོག་དང་། བཙན་བྱོལ་བོད་གཞུང་གིས་བརྒྱུད་བསྐུལ་བྱས་ལུགས་གཞི་མེད་པའི་སྙོན་འཛུགས་དང་། དེ་བཞིན་བོད་རང་སྐྱོང་ལྗོངས་ཀྱི་ཧྲུའུ་ཅི་ཀྲང་ཅི་ལིས་ཀྱིས་འཛེམས་ཟོན་སྤུ་ཙམ་མེད་པར་ཁ་བྲལ་རིང་ལུགས་དང་ང་ཚོའི་འཐབ་རྩོད་ནི་དགྲ་དང་། རང་ཕྱོགས་དབར་ཤི་གསོན་གྱི་འཐབ་རྩོད་ཡིན་ལུགས་བཤད་པ་མ་ཟད། གོ་ཐོས་བྱུང་བའི་གནས་ཚུལ་ལ་གཞིགས་ན། རྒྱལ་སྤྱིའི་ཨོ་ལེམ་པིཀ་རྩེད་འགྲན་དང་སྟབས་བསྟུན་ནས་བཙན་བྱོལ་སྤྱི་ཚོགས་ནང་རྒྱ་གཞུང་གིས་འཁྲུག་ཟིང་སློང་ཆེད་མི་སྣ་ཆེད་གཏོང་བྱེད་ཀྱི་ཡོད་པའི་གནས་ཚུལ་ཡང་ཡོད་འདུག་པས་ཇི་ཙམ་བདེན་མིན་ལ་མ་ལྟོས་པར་རང་ཕྱོགས་ནས་སྔོན་འགོག་དང་ཡིད་གཟབ་བྱ་རྒྱུ་གལ་འགངས་ཆེ་བར་བརྟེན་རང་རང་ཁྱབ་ཁོངས་གང་སར་མཚན་སྲུང་འཛུགས་རྒྱུས་མཚོན་སྔར་ལྷག་སྦི་གསང་གནང་གལ་ཐོག་བདེ་སྲུང་ལས་ཁུངས་སུ་ ༢༠༠༨ ཕྱི་ཟླ་ ༧ ཚེས་ ༢༡ ནས་ ༢༠༠༨ ཕྱི་ཟླ་ ༨ ཚེས་ ༣༡ བར་ཆུ་ཚོད་ ༢༤ རིང་ལས་བྱེད་རེས་མོས་ཀྱིས་འབྲེལ་མཐུད་པ་ཆེད་འཛུགས་བྱ་གཏན་འཁེལ་བས་གང་ཅིའི་གནས་ཚུལ་གསུང་འོས་རིགས་གཤམ་གསལ་ཁ་པར་ཨང་གྲངས་ཐོག་འབྲེལ་བ་གནང་དགོས་པའི་གསལ་བསྒྲགས་བཏང་འདུག་པས་དེ་བཞིན་ཐུགས་སྣང་དགོས་པའི་གནས་ཚུལ་དུ།
བདེ་སྲུང་འབྲེལ་མཐུད་ཁ་པར་ཨ་གྲངས། ༠༡༨༩༢་་་་༢༢༢༢༥༤ ། ༢༢༤༩༥༤
མྱུར་འཕྲིན། ༠༡༨༩༢་་༢༢༣༠༣༨
