ཕྱི་ལོ་ ༢༠༡༦ ཟླ་ ༧ ཚེས་ ༢༥ རེས་གཟའ་ཟླ་བ།
ཡིག་འགྲུལ་གྱི་ལམ་ནས་མཐོ་རིམ་སློབ་ཡོན་གསལ་བསྒྲགས།
༄༅། །དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཕྱི་ལོ་ ༢༠༡༣ ལོར་སློབ་ཡོན་འཆར་གཞི་གསར་པ་འགོ་འཛུགས་ཞུས་ཡོད་པ་དང༌། འདི་ལོར་དབུས་བོད་མིའི་སྒྲིག་འཛུགས་ཁྱབ་ཁོངས་དགེ་རྒན་རྣམ་པ་དང༌། བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་རྣམ་པ། དེ་བཞིན་འཛིན་རིམ་བཅུ་གཉིས་ཐོན་རྗེས་མུ་མཐུད་མཐོ་སློབ་ཏུ་བསྐྱོད་རྒྱུའི་གོ་སྐབས་མ་ཐོབ་པའི་རང་རིགས་ན་གཞོན་བོུ་དང་བུ་བཅས་ལ་སོ་སོའི་ཤེས་ཚད་གོང་མཐོར་གཏོང་ཐབས་ཆེད་དམིགས་ཡིག་འགྲུལ་ལམ་ནས་སློབ་གཉེར་བྱ་འདུན་ཡོད་རིགས་ལ་གཤམ་གསལ་སློབ་ཡོན་གྲངས་ ༥༠ ཐམ་པ་གསར་དུ་གནང་གཏན་འཁེལ་སོང་བའི་འདོད་མོས་ཡོད་རིགས་ནས་འདི་ལས་སུ་འཚང་སྙན་དུས་ཐོག་འབུལ་དགོས་པའི་གསལ་བསྒྲགས་ཞུ་རྒྱུ་ཡིན།
སློབ་ཡོན་གྱི་ཆ་བགོས་གཤམ་གསལ་ལྟར་དང་སློབ་ཡོན་དངུལ་འབབ་མི་རེར་སྒོར་ ༡༠༠༠༠ རེ་གནང་རྒྱུ་ཡིན།
སྡེ་ཚན།
ཀ༽ དབུས་བོད་མིའི་སྒྲིག་འཛུགས་ཀྱི་ཁྱབ་ཁོངས་སློབ་གྲྭའི་བོད་རིགས་དགེ་རྒན་རྣམས་ལ་དགེ་རྒན་འོས་སྦྱོང་ (B Ed.) དང་ (M Ed.) དེ་བཞིན་ཉེ་བའི་གཙུག་ལག་རབ་འབྱམས་པ་དང༌། གཙུག་ལག་རབ་འབྱམས་པའི་ (Bachelor/Master Degree) སློབ་ཚན་ཆེད་སློབ་ཡོན་གྲངས་ ༢༠ ཡོད།
༡། སློབ་གཉེར་བྱ་བློ་ཡོད་རིགས་ནས་སོ་སོའི་འབྲེལ་ཆགས་སློབ་གྲྭའི་འཛིན་སྐྱོང་ནས་དགག་ཆ་མེད་པའི་ངོས་སྦྱོར་ཞུ་འབུལ་དགོས་རྒྱུ། ངོས་སྦྱོར་ནང་ཞབས་ལོའི་དུས་ཡུན་གསལ་འཁོད་ཐོག་དོ་བདག་གི་དྭང་བླངས་དཔྱ་ཁྲལ་ཕོགས་འབབ་ ༢༠༡༥ ཟླ་ ༡༢ བར་ཕུལ་ཟིན་པའི་འབྲེལ་ཡོད་རང་བདེན་ཚོགས་ཆུང་ནས་དེ་འབྲེལ་ངོས་སྦྱོར་ཞུ་འབུལ་དགོས་རྒྱུ།
༢། འཛིན་རིམ་བཅིུས་ཀྱི་ཡིག་རྒྱུགས་གྲུབ་འབྲས་ཨང་ཤོག་དང་ཉེ་བའི་གཙུག་ལག་རབ་འབྱམས་པ་ཐོན་པའི་ལག་ཁྱེར་གྱི་ངོ་བཤུས།
ཁ༽ དབུས་བོད་མིའི་སྒྲིག་འཛུགས་ཁྱབ་ཁོངས་ལས་བྱེད་འདེམས་ལྷན་གྱི་བསྐོ་བཞག་བྱས་པའི་ལས་བྱེད་ངོ་མ་དང་ཟུར་འཇོག་ས་མིག་ཐོག་ཡོད་པའི་རང་ཁོངས་ལས་བྱེད་རྣམས་ལ་ཉེ་བའི་གཙུག་ལག་རབ་འབྱམས་པ་དང་གཙུག་ལག་རབ་འབྱམས་པའི་ (Bachelor / Master Degree) སློབ་ཚན་ཆེད་སློབ་ཡོན་གྲངས་ ༡༠ ཡོད།
༡། སློབ་གཉེར་བྱ་བློ་ཡོད་རིགས་ནས་སོ་སོའི་ལས་ཁུངས་ནས་དགག་ཆ་མེད་པའི་ངོས་སྦྱོར་ཞུ་འབུལ་དགོས། ངོས་སྦྱོར་ནང་ཞབས་ལོ་དུས་ཡུན་གསལ་འཁོད་དགོས་རྒྱུ།
༢། སློབ་འཛིན་རིམ་བཅིུས་ཀྱི་ཡིག་རྒྱུགས་གྲུབ་འབྲས་ཨང་ཤོག་དང་ཉེ་བའི་གཙུག་ལག་རབ་འབྱམས་པ་ཐོན་པའི་ལག་ཁྱེར་གྱི་ངོ་བཤུས།
ག༽ ད་བར་འཛིན་རིམ་བཅུ་གཉིས་ཐོན་ཡང་མཐོ་སློབ་ཏུ་བསྐྱོད་མ་ཐུབ་པར་བར་ལྡིང་དུ་ལུས་པའི་སློབ་ཕྲུག་བོུ་ ༡༠ དང་བུ་ ༡༠ བཅས་ལ་ཉེ་བའི་གཙུག་ལག་རབ་འབྱམས་པའི་སློབ་ཚན་ཆེད་སློབ་ཡོན་གྲངས་བསྡོམས་ ༢༠ ཡོད།
༡། འཛིན་རིམ་བཅུ་པ་དང༌། བཅུ་གཉིས་བཅས་ཀྱི་ཡིག་རྒྱུགས་གྲུབ་འབྲས་ཨང་ཤོག་ངོ་བཤུས།
༢། བལ་ཡུལ་དང་འབྲུག་ཁུལ་ནས་འཚང་སྙན་འབུལ་མི་དང༌། ཀ་རྡོར་སྒང་གསུམ། རྒྱ་གར་བྱང་ཤར་མཐའ་མཚམས་ས་ཁུལ་ཁག་ཅིག་ཏུ་ཡོད་པའི་བོད་རིགས་འཁྲུལ་མེད་ཡིན་པ་གང་ཞིག་ལ་སྐྱབས་བཅོལ་ལག་དེབ་མེད་པའི་སྡེ་ཁག་ཅིག་ལ་དམིགས་བསལ་གཏོང་རྒྱུ་ཡིན་པའི་བོད་མི་སྐྱབས་བཅོལ་བའི་སྒྲིག་ཁོངས་ཡིན་པ་འབྲེལ་ཡོད་ས་གནས་འགོ་འཛིན་ནས་ངོས་སྦྱོར་འབུལ་དགོས།
ཐུགས་སྣང་དགོས་པའི་གནད་དོན་གཞན་ཁག
༡། སློབ་གཉེར་བྱ་བློ་ཡོད་རིགས་ནས་འཚང་སྙན་འགེངས་ཤོག་ངེས་པར་དུ་བཀང་དགོས་རྒྱུ།
༢། དགོས་མཁོའི་ཡིག་ཆ་ཁག་གི་ངོ་བཤུས་སྟེང་ས་གནས་འགོ་འཛིན་ནམ་དབུས་བོད་མིའི་སྒྲིག་འཛུགས་ཀྱི་ཟུང་དྲུང་ཡན་གྱི་སྲི་ཞུ་ལས་བྱེད། ཤེས་རིག་ཁྱབ་ཁོངས་འཛིན་རིམ་བཅུ་པ་ཡན་གྱི་སློབ་གྲྭའི་སློབ་སྤྱི་ནས་ཞིབ་གཤེར་དག་མཆན་བཀོད་དགོས།
༣། སོ་སོའི་འཚང་སྙན་འགེངས་ཤོག་དང་ཡིག་ཆ་ཁག ༢༠༡༦ ཟླ་ ༩ ཚེས་ ༣༠ འགྱངས་མེད་འདི་གར་འབུལ་འབྱོར་ཐུབ་དགོས།
༤། སྡེ་ཚན་ཀ༽ དང་ཁ༽ གཉིས་ཀྱི་འཚང་སྙན་འབུལ་མཁན་གྱི་ཞབས་ལོ་མཐོ་རིམ་གཞིར་བཟུང་འདེམས་སྒྲུག་གནང་རྒྱུ།
༥། སྡེ་ཚན་ག༽ པའི་སློབ་ཕྲུག་སོ་སོའི་ཡིག་རྒྱུགས་གྲུབ་འབྲས་ལྟར་བརྒྱ་ཆ་རྩེ་བཏོག་གིས་འདེམས་སྒྲུག་གནང་རྒྱུ།
༦། འཚང་སྙན་དུས་ཐོག་མ་འབྱོར་བ་དང༌། ཆ་རྐྱེན་མ་ཚང་བའི་རིགས་ལ་ངོས་བཞེས་གནང་རྒྱུ་མིན།
༧། འཚང་སྙན་འགེངས་ཤོག་མཉམ་དུ་ཡིག་འབྲེལ་སྦྲག་གླ་སོགས་ཀྱི་ཆེད་ཧིན་སྒོར་ ༡༥༠ ཤེས་རིག་ལས་ཁུངས་ཀྱི་དེབ་བསྐྱེལ་ཞུས་པའི་ (Tibetan Children’s Educational & Welfare Fund (TCEWF) མཚན་ཐོག་ཌབ་འཛིན་བཟོས་ཏེ་འབུལ་དགོས།
༨། འདི་ནས་དོ་བདག་སོ་སོར་དུས་ཐོག་གནས་འབྲེལ་ཐུབ་རྒྱུའི་སླད་འགེངས་ཤོག་ནང་གནས་འབྲེལ་བྱ་ཡུལ་ཁ་བྱང་དང༌།གློག་འཕྲིན། ཁ་པར་ཨང་སོགས་ཁ་གསལ་འགོད་དགོས་པ་བཅས། ཤེས་རིག་ལས་ཁུངས་ནས་ཕྱི་ལོ་ ༢༠༡༦ ཟླ་ ༧
ཚེས་ ༢༥ ལ།།
Secretary
Department of Education, CTA
Gangchen Kyishong
Dharamsala-176215
Distt. Kangra, Himachal Pradesh
Ph: 01892 – 226695, 222572, 222721
Fax: 01892- 223481
Email: [email protected]
Website: www.tcewf.org or www.sherig.org/tb