ཕྱི་ལོ་ ༢༠༠༩ ཟླ་ ༡ ཚེས་ ༨ རེས་གཟའ་ཕུར་བུ།

༅༅། །བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གུ་ཇུ་ར་

སྤྱི་ནོར་ ༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་ཝ་ར་ཎ་སིར་༸ཞབས་སོར་འཁོད་བཞིན་པ།

ཊ་(Gujurat)མངའ་སྡེའི་བྷ་ཝ་ན་གྷར་རྫོང་ (Bhavnagar District)ནང་ཡོད་ཀེ་ལ་ཤ་གུ་རུ་ཀུལ་(Kailash Gurukul) དུ་ཕྱི་ཚེས་ ༦ ནས་ཕྱི་ཚེས་ ༡༡ བར་ཉིན་གྲངས་དྲུག་རིང་འཛམ་གླིང་ཆོས་ལུགས་ཞེས་པའི་བརྗོད་གཞིའི་ཐོག་ཆོས་ལུགས་རིས་མེད་ཀྱི་ལྷན་ཚོགས་དབུ་འབྱེད་བཀའ་དྲིན་བསྐྱངས་གྲུབ་རྗེས་ཕྱི་ལོ་ ༢༠༠༩ ཟླ་ ༡ ཚེས་ ༧ རེས་གཟའ་ལྷག་པའི་ཉིན་རྒྱ་གར་མངའ་སྡེ་ཨུ་ཊར་པར་དི་ཤི་ནང་ཡོད་གནས་མཆོག་ཝ་ར་ཎ་སིར་༸ཞབས་སོར་བདེ་བར་འཁོད་ཡོད་ཅིང་ཕྱི་ལོ་ ༢༠༠༩ ཟླ་ ༡ ཚེས་ ༨ ནས་ཚེས་ ༡༤ བར་ཝ་ཎ་མཐོ་སློབ་སློབ་གཉེར་ཁང་གི་ཉེ་འགྲམ་དུ་ཕྱོགས་གང་ས་ནས་ཆེད་གཉེར་གྱིས་ཕེབས་པའི་དད་ལྡན་ཆོས་ཞུ་བ་ཚོར་རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་པའི་སྤྱོད་པ་ལ་འཇུག་པ་དང་། སློབ་དཔོན་ཀ་མ་ལ་ཤཱི་ལས་མཛད་པའི་སྒོམ་རིམ་བར་པའི་གསུང་ཆོས་བཀའ་དྲིན་བསྩལ་རྒྱུ་དབུ་འཛུགས་གནང་ཡོད། ཉིན་གྲངས་བདུན་གྱི་གསུང་ཆོས་བཀའ་དྲིན་སྩལ་གྲུབ་རྗེས་ཕྱི་ཚེས་ ༡༥ ཉིན་ཝ་ར་ཎ་སིར་ནང་པ་དང་ནང་པ་མ་ཡིན་པའི་དབར་གྱི་བགྲོ་གླེང་ཞིག་གཙོ་སྐྱོང་གནང་རྒྱུ་དང་། ཕྱི་ཚེས་ ༡༦ ཉིན་ནང་ཆོས་དང་ཚན་རིག་དབར་འབྲེལ་བ་གང་ཡོད་སྐོར་གྱི་རྒྱལ་སྤྱིའི་ཚོགས་འདུ་ཞིག་དབུ་འབྱེད་གནང་རྒྱུ་བཅས་ཀྱི་གནས་བསྡུས་སུ།།