༄༅། །འདི་གར་ཕ་རན་སི་འབྲེལ་མཐུད་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༥ ཟླ་བ་ ༥ ཚེས་ ༡༨ ཉིན་སི་ཊར་སི་བྷག་ (Strasbourg) བོད་རིགས་ཚོགས་པའི་འབོད་སྐུལ་ཞུ་དོན་བཞིན་ཕ་རན་སི་འབྲེལ་མཐུད་པ་ཐུབ་བསྟན་ཚེ་རིང་ལགས་དཔྱ་དངུལ་བསྡུ་རུབ་སླད་ས་གནས་སུ་ཆེད་བསྐྱོད་ཀྱི་ས་གནས་བོད་རིགས་མཉམ་ཐུགས་འཕྲད་དང་དཔྱ་དངུལ་བསྡུ་རུབ་གནང་ཡོད།
དེ་ཡང་ས་གནས་སི་ཊར་སི་བྷག་ཏུ་བོད་མི་གྲངས་ ༡༢༠ ཙམ་གནས་སྡོད་ཀྱི་བོད་རིགས་ཚོགས་པ་ཟུར་འཛུགས་ཀྱི་གཟའ་མཇུག་སློབ་གྲྭ་ཞིག་འཛིན་སྐྱོང་གནང་མུས་རེད་འདུག དེ་ཉིན་རྩིས་ལོ་ ༢༠༢༤་་༢༥ དང་ ༢༠༢༥་་༢༦ ལོའི་དཔྱ་དངུལ་འབུལ་མཁན་གྲངས་ ༤༩ ཙམ་དང་། གོ་སྟོན་ཆེད་ཞལ་འདེབས་འབུལ་མཁན་དུད་ཚང་༢༡ ཙམ་བྱུང་སོང་། གཞན་ཡང་དེབ་སྔོན་པོ་གསར་བཟོ་གནང་མཁན་ཡུལ་མི་གྲངས་ ༡༠ ཙམ་བྱུང་སོང་། 
དེ་རྗེས་གྲོང་ཁྱེར་ནང་འགྲོ་སྐབས་ས་གནས་ཀྱི་མགྲེམས་སྟོན་ཞིག་འགྲོ་བཞིན་འདུག་ན་དེའི་ནང་བོད་དོན་རྒྱབ་སྐྱོར་ཚོགས་པ་རྙིང་པ་ SolHimal ཚོང་ཁང་གི་དང་བླངས་ལས་བྱེད་གཉིས་ལ་ས་གནས་བོད་རིགས་ཚོགས་པའི་ཚོགས་གཙོ་དང་ཚོགས་གཞོན་ངོ་སྤྲོད་དང་། ས་གནས་སུ་བོད་པ་གནས་སྡོད་ཞུ་བཞིན་ཡོད་པ་འགྲེལ་བརྗོད་ཞུས་ཡོད།།
