༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། སྐབས་ ༡༧ པའི་བོད་མི་མང་སྤྱི་འཐུས་རྣམ་པ་ལོ་གཉིས་དང་ཕྱེད་ཕྱི་མའི་ནང་མང་ཚོགས་ལ་ཆབ་སྲིད་སོགས་ཀྱི་ལམ་སྟོན་དང་། བདེ་སྡུག་གཟིགས་ཞིབ་སླད་ཕེབས་རྒྱུའི་ལས་རིམ་ཡོད་པ་ལྟར། སྤྱི་འཐུས་ཟླ་བ་ཚེ་རིང་ལགས་དང་། སྤྱི་འཐུས་ཚེ་རིང་ལྷ་མོ་ལགས་རྣམ་གཉིས་ཕྱི་ལོ་ ༢༠༢༥ ཟླ་བ་ ༤ པའི་ཚེས་ ༢༡ ནས་ཟླ་བ་ ༥ པའི་ཚེས་ ༥ བར་རྒྱ་གར་བྱང་ཤར་ས་གནས་སྒང་ཏོག་དང་། ར་ཝང་ལ། ཀ་སྦུག ཇཡེ་སྒང་། ཨོཌ་ལ་བྷ་རི། ས་ལུ་སྒར་བཅས་ལ་གཞུང་འབྲེལ་ཕྱོགས་བསྐྱོད་གནང་གཏན་ཁེལ་ཡོད།དེ་ཡང་སྤྱི་འཐུས་རྣམ་པ་གཉིས་ཕྱི་ལོ་ ༢༠༢༥ ཟླ་བ་ ༤ པའི་ཚེས་ ༢༡ ཉིན་བཞུགས་སྒར་དྷ་རམ་ས་ལ་ནས་ལྡི་ལི་བརྒྱུད་བྷག་ཊོ་རར་ཕེབས་ཡོད་པ་དང་། ཕྱི་ཚེས་ ༢༢ ཉིན་ཇཡེ་སྒང་ས་གནས་སུ་ལས་རིམ། ཕྱི་ཚེས་ ༢༣ ཉིན་ཨོཌ་ལ་བྷ་རིར་ལས་རིམ། ཕྱི་ཚེས་ ༢༤ ནས་ ༢༦ བར་ཀ་སྦུག་ཁུལ་ལ་ལས་རིམ། ཕྱི་ཚེས་ ༢༧ ཉིན་ར་ཝང་ལ་ཀུན་ཕན་གླིང་གཞིས་ཆགས་སུ་ལས་རིམ། ཕྱི་ཚེས་ ༢༨ ནས་ཟླ་ ༥ པའི་ཚེས་ ༢ བར་སྒང་ཏོག་ཁུལ་ལ་ལས་རིམ། ཕྱི་ཚེས་ ༣ ཉིན་ས་ལུ་སྒར་དུ་ལས་རིམ། ཕྱི་ཚེས་ ༤ ཉིན་ལྡི་ལི་བརྒྱུད་བཞུགས་སྒར་དྷ་རམ་ས་ལར་ཕྱིར་ཕེབས་གནང་རྒྱུ་ཡིན་པ་བཅས། །
