དབྱར་དུས་བོད་ཀྱི་རིག་གཞུང་གོ་རྟོགས་ལས་གཞི།

གསར་ལས་ཁང་གི་གསར་འགོད་པས།

༢༠༢༥-༠༤-༢༩

༄༅། །བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་རྒྱ་གར་དང་བལ་ཡུལ་ཁུལ་གྱི་སྒེར་གྱི་སློབ་གྲྭ་འགྲིམ་བཞིན་པའི་བོད་པའི་སློབ་ཕྲུག་རྣམས་ལ་བོད་ཀྱི་རྩ་ཆེའི་རིག་གཞུང་གཙོ་བོར་གྱུར་པའི་བོད་མིའི་གོམས་གཤིས་བཟང་པོ་དང་། ནང་པའི་ལྟ་གྲུབ་ངོ་སྤྲོད། སཱི་ཤེས་ཡོན་སློབ་གསོ། དེ་བཞིན་བོད་མིའི་རྩ་དོན་དང་། བཙན་བྱོལ་བོད་མིའི་སྒྲིག་འཛུགས་སོགས་ལ་གོ་རྟོགས་གོང་འཕེལ་ཆེད་༼དབྱར་དུས་བོད་ཀྱི་རིག་གཞུང་གོ་རྟོགས་ལས་གཞི།༽ཞིག་གོ་སྒྲིག་ཞུ་རྒྱུ་ཡིན། ལས་གཞིའི་འདིའི་དམིགས་ཡུལ་གཙོ་བོ་ནི་བོད་ཕྲུག་རྣམས་ནས་བོད་ཀྱི་རིག་གཞུང་སྤྱི་དང་། ལྷག་པར་དུ་བོད་མིའི་ངོ་བོ་དང་། རྩ་དོན། སྤྱི་ཚོགས་སོགས་ཀྱི་སྐོར་ཤེས་རྟོགས་ཡོང་ཐབས་དང། དེ་བརྒྱུད་ནས་བོད་མིའི་སྤྱི་ཚོགས་སྤྱི་ལ་འབྲེལ་ཐག་ཉེ་པོ་ཡོང་ཐབས་ཆེད་ཡིན། དེར་བརྟེན་རྒྱ་བལ་གཉིས་ཀྱི་སྒེར་སློབ་འགྲིམ་མཁན་སློབ་ཕྲུག་རྣམས་ཀྱིས་གོ་སྐབས་དམ་འཛིན་གནང་བའི་རེ་བ་དང་བཅས། ཆོས་རིག་ལས་ཁུངས་ནས། ཕྱི་ལོ་ ༢༠༢༥ ཟླ་ ༤ ཚེས་ ༣༠ ལ།།

ལས་གཞིའི་དུས་ཡུན། ཕྱི་ལོ་ ༢༠༢༥ ཟླ་ ༦ ཚེས་ ༡ ནས་ ༡༤ བར།

ཐོ་འགོད་དུས་བཀག ཕྱི་ལོ་ ༢༠༢༥ ཟླ་ ༥ ཚེས་ ༡༧ བར། རེས་གཟའ་སྤེན་པ།

སློབ་ཕྲུག་གྲངས་ཚད། སློབ་ཕྲུག་ ༢༥། འདེམས་སྒྲུག་དེ་ཡང་ཐོ་འགོད་འགེངས་ཤོག་འབྱོར་རིམ་བཞིན་བྱ་རྒྱུ།

མཐུན་འགྱུར། འགྲིམ་འགྲུལ། སྡོད་གནས། སློབ་ཡོན། ཞལ་ལག

ཆ་རྐྱེན།

རྒྱ་བལ་ཁུལ་གྱི་སྒེར་སློབ་འགྲིམ་བཞིན་པའི་འཛིན་རིམ་བརྒྱད་པ་ནས་བཅུ་གཉིས་བར་གྱི་སློབ་ཕྲུག
དོ་བདག་གི་དང་བླངས་དཔྱ་དངུལ་འབུལ་འབབ་གཙང་ཕུལ་ཟིན་པའི་ལག་དེབ་ཀྱི་ངོ་བཤུས།

སློབ་ཚན།

· སྐད་ཡིག་དང་འབྲེལ་ལམ།	· ནང་པའི་ལྟ་གྲུབ་ངོ་སྤྲོད།
· སྔོན་འགྲོའི་སྒོམ་ཉམས་ལེན།	· བོད་ཀྱི་ལོ་རྒྱུས།
· བོད་ཀྱི་ཟློས་གར།	· སཱི་ཤེས་ཡོན་སློབ་གསོ།