༄༅། །བླ་མ་བློ་བཟང་བསམ་གཏན་ལགས་དང་ཁོང་གི་སྐུ་ཟླ་རྣམ་གཉིས་ནས་འཛམ་གླིང་ཞི་བདེའི་ཆེད་དུ་ལཱ་ཊིན་ཨ་མེ་རི་ཁ་དང་བ་རཱ་ཛིལ་ནང་རྡུལ་མཚོན་དཀྱིལ་འཁོར་བཟོ་སྐྲུན་གྱི་ལས་གཞི་སྤེལ་གནང་གི་ཡོད་པ་དང་། ཕྱི་ལོ་ ༢༠༢༣ ཟླ་བ་ ༤ ཚེས་ ༨ ཉིན་བ་རཱ་ཛིལ་གྱི་གྲོང་ཁྱེར་སའོ་པོ་ལོ་ (São Paulo) ནང་ཡོད་པའི་བོད་ཁང་དུ་བླ་མ་བློ་བཟང་བསམ་གཏན་ལགས་ཀྱིས་རྡུལ་མཚོན་དཀྱིལ་འཁོར་བཟོ་སྐྲུན་གྱི་ལས་རིམ་མཇུག་སྒྲིལ་གནང་ཡོད།
དེ་ཡང་ཕྱི་ལོ་ ༢༠༢༣ ཟླ་བ་ ༣ ཚེས་ ༡༡ དང་ཚེས་ ༢༠ ཉིན་བླ་མ་བློ་བཟང་བསམ་གཏན་ལགས་ཀྱིས་ཨར་ཇེན་ཊི་ནཱའི་རྒྱལ་ས་སྦུ་ནོ་སི་ཨེ་རེ་སི་ (Buenos Aires) ནང་རྟེན་གཞི་བྱས་པའི་བཀའ་བརྒྱུད་ཐེག་ཆེན་ཆོས་གླིང་དུ་སངས་རྒྱས་སྨན་བླའི་རྡུལ་མཚོན་དཀྱིལ་འཁོར་ཡར་བཞེངས་པ་དང་གཤེགས་སུ་གསོལ་བ། ཕྱི་ལོ་ ༢༠༢༣ ཟླ་བ་ ༣ ཚེས་ ༢༡ ནས་༢༥ བར་བླ་མ་བློ་བཟང་བསམ་གཏན་ལགས་ཀྱིས་ཀོ་ལམ་བི་ཡཱའི་རྒྱལ་ས་བྷོ་གོ་ཊ་ (Bogota) ནང་རྟེན་གཞི་བྱས་པའི་ཡ་མན་ཊ་ཀ་ཆོས་ཚོགས་ (Yamantaka Centro de Meditacion Budista) སུ་སངས་རྒྱས་སྨན་བླའི་རྡུལ་མཚོན་དཀྱིལ་འཁོར་ཡར་བཞེངས་པ་དང་གཤེགས་སུ་གསོལ་བ།
དེ་བཞིན་ཕྱི་ལོ་ ༢༠༢༣ ཟླ་བ་ ༣ ཚེས་ ༢༨ ནས་ ༣༡ བར་དང་། ཕྱི་ཟླ་ ༤ ཚེས་ ༢ དང་ ༤ བཅས་ལ་བླ་མ་བློ་བཟང་བསམ་གཏན་ལགས་ཀྱིས་བ་རཱ་ཛིལ་གྱི་རྒྱལ་ས་རིའོ་ཌེ་ཇེ་ནེ་རོ་ (Rio de Janeiro) ཁུལ་དུ་རྗེ་བཙུན་འཇམ་པའི་དབྱངས་ཀྱི་རྡུལ་མཚོན་དཀྱིལ་འཁོར་སྐོར་ཟབ་སྦྱོང་དང་འགྲེལ་བརྗོད་གནང་ཡོད། ཕྱི་ལོ་ ༢༠༢༣ ཟླ་བ་ ༤ ཚེས་ ༥ ཉིན་བླ་མ་བློ་བཟང་བསམ་གཏན་ལགས་ཀྱིས་ལཱ་ཊིན་ཨ་མེ་རི་ཀའི་ནང་རྡུལ་མཚོན་དཀྱིལ་འཁོར་འགྲེམས་སྟོན་དང་གསུང་བཤད་གནང་ཡོད།
ལྷོ་ཨ་མི་རི་ཀའི་སྐུ་ཚབ་དོན་གཅོད་ཟུར་པ་ཚེ་དབང་ཕུན་ཚོགས་ལགས་ཀྱིས་རྡུལ་མཚོན་དཀྱིལ་འཁོར་གལ་གནད་སྐོར་ངོ་སྤྲོད་གསུང་བཤད་གནང་ཞིང་། ལྷོ་ཨ་མི་རི་ཀའི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་ཀྱིས་བོད་ཀྱི་ཐུན་མོང་མིན་པའི་རིག་གཞུང་མི་ཉམས་རྒྱུན་འཛིན་གནང་དགོས་པའི་གལ་གནད་སྐོར་གསུང་བཤད་གནང་ཡོད་པ་བཅས།།
བོད་ཀྱི་རྡུལ་མཚོན་དཀྱིལ་འཁོར་གྱི་སྒྱུ་རྩལ་འགྲེམས་སྟོན་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)