༢༠༡༤ ཟླ་ ༡ ཚེས་ ༣ རེས་གཟའ་པ་སངས།

༄༅། །ཕྱི་ལོ་ ༢༠༡༣ ཟླ་ ༡༢ ཚེས་ ༣༡ ཉིན་གྱི་དགོང་དྲོར་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་ལྡི་ལི་མངའ་སྡེའི་སྤྱི་ཁྱབ་བློན་ཆེན་ཟུར་པ་ལྕམ་སྐུ་ཤི་ལ་དི་ཤི་ Shmt. Sheila Dixit  མཆོག་གི་གཟིམ་ཤག་ཏུ་བཅར་ནས་འཆར་ལོ་གསར་པར་འཚམས་འདྲི་ཞུས་པ་དང་སྦྲགས།
ལྕམ་སྐུ་མཆོག་གིས་ལོ་ངོ་ ༡༥ རིང་མངའ་སྡེའི་བློན་ཆེན་གྱི་ལས་ཁུར་གནང་རིང་བོད་མི་ཚོར་མཐུན་འགྱུར་རོགས་རམ་རྒྱ་ཆེ་གནང་བར་བཀའ་དྲིན་རྗེས་དྲན་ཞུས་པ་མ་ཟད། འབྱུང་འགྱུར་མུ་མཐུད་བོད་མིའི་དཀའ་ངལ་ཐོག་མཐུན་འགྱུར་རོགས་རམ་གནང་རྒྱུའི་འབོད་སྐུལ་ཡང་ཞུས་ཡོད།