༢༠༡༣ ཟླ་ ༧ ཚེས་ ༢༣ རེས་གཟའ་མིག་དམར།

༄༅། །ཕྱི་ལོ་ ༢༠༡༣ ཟླ་ ༧ ཚེས་ ༢༡ ཉིན་ཧོང་ཀོང་ནང་གི་བོད་དོན་རྒྱབ་སྐྱོར་ཚོགས་པའི་གོ་སྒྲིག་འོག་ཧོང་ཀོང་ནང་གི་རྒྱ་རིགས་བོད་དོན་རྒྱབ་སྐྱོར་བ་ཁག་གཅིག་གིས་བོད་མིར་གདུང་སེམས་མཉམ་སྐྱེ་མཚོན་ཆེད་ལས་འགུལ་ཤུགས་ཆེན་སྤེལ་འདུག

དེ་ཡང་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། ལས་འགུལ་བ་རྣམས་ནས་ཀོང་ཧོང་དམིགས་བསལ་ས་ཁུལ་གཞུང་འཛིན་ལས་ཁུངས་མདུན་དུ་འདུ་འཛོམས་ཐོག་བོད་ཀྱི་རྒྱལ་དར་དང་བོད་ནང་བོད་མི་རང་ལུས་མེར་སྲེག་གཏོང་མཁན་རྣམ་པའི་འདྲ་པར། བོད་ནང་རང་ལུས་མེར་སྲེག་གཏོང་ཡུལ་ཁག་གི་ས་ཁྲ་སོགས་འཕྱར་བ་མ་ཟད། རྒྱ་ནག་གཞུང་ནས་བོད་མིའི་ཐོག་བཟུང་དང་འཛིན་བཞིན་པའི་གདུག་རྩུབ་ཅན་གྱི་སྲིད་བྱུས་ལ་སྐྱོན་བརྗོད་ཀྱི་ཡིག་ཆ་འགྲེམས་སྤེལ་གནང་བ་དང་ཆབས་ཅིག་རྒྱ་ནག་གཞུང་ནས་བོད་ནང་གི་བོད་མི་དམར་གསོད་དང་བོད་མིར་གདུག་རྩུབ་ཅན་གྱི་སྲིད་བྱུས་ལག་བསྟར་བྱས་དང་བྱེད་མུས་ཡིན་པ་དེ་བཞིན་མཚམས་འཇོག་བྱེད་དགོས། དེ་བཞིན་བོད་མིར་བརྩི་བཀུར་ཞུ་དགོས་ཞེས་སོགས་ཀྱི་ངོ་རྒོལ་སྐད་འབོད་གནང་འདུག