༢༠༡༣ ཟླ་ ༧ ཚེས་ ༣༡ རེས་གཟའ་ལྷག་པ།
༄༅། །ཕྱི་ལོ་ ༢༠༡༣ ཟླ་ ༨ ཚེས་ ༢ ནས་ ༡༤ བར་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་རྒྱ་རི་སྒྲོལ་མ་མཆོག་ཡུ་རོབ་ཁུལ་གྱི་རྒྱལ་ཁབ་ཨི་ཊ་ལི་དང། བྷེལ་ཇམ། ནེ་ཌར་ལེན་ཌི། ཕ་རན་སི་བཅས་ལ་གཞུང་དོན་ཕྱོགས་ཕེབས་གནང་རྒྱུ་ཡིན་འདུག
དེ་ཡང་ནང་སྲིད་བཀའ་བློན་མཆོག་ཕྱི་ཟླ་ ༨ ཚེས་ ༢ ནས་ཉིན་གྲངས་བཞིའི་རིང་ཨི་ཊ་ལིའི་རྒྱལ་ས་རོམ་དང་གྲོང་ཁྱེར་མི་ལན་ཁུལ་གྱི་ལས་འཆར་ཁག་གྲུབ་རྗེས། ཕྱི་ཚེས་ ༦ ནས་ཉིན་གྲངས་གཉིས་རིང་སྦར་སིལ་ཁུལ་དུ་ལས་འཆར་ཡོད་པ་དང། ཕྱི་ཚེས་ ༨ ནས་ཉིན་གྲངས་གཉིས་རིང་ནེ་ཌར་ལེན་ཌིར། དེ་ནས་ཕ་རན་སིར་ཉིན་གྲངས་གཉིས་རིང་གི་ལས་འཆར་གྲུབ་མཚམས། ཕྱི་ཚེས་ ༡༢ ཉིན་ཕ་རན་སི་ནས་རོམ་བརྒྱུད་ལྡི་ལིར་ཕྱིར་ཕེབས་གནང་རྒྱུ་དང། ཕྱི་ཚེས་ ༡༤ ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།
