༢༠༡༣ ཟླ་ ༦ ཚེས་ ༡༢ རེས་གཟའ་ལྷག་པ།
༄༅། །ཕྱི་ལོ་ ༢༠༡༣ ཟླ་ ༦ ཚེས་ ༡༥ དང་ ༡༦ བཅས་ཉིན་གྲངས་གཉིས་རིང་ཕ་རན་སིའི་སྐུ་ཚབ་དོན་ཁང་གིས་གོ་སྒྲིག་འོག་བོད་ཀྱི་དུས་སྟོན། དང་པེ་རི་སིའི་ཧི་མ་ལ་ཡའི་མི་རིགས། ཞེས་ལོ་འཁོར་དུས་སྟོན་ཐེངས་ ༡༣ པ་དེ་འཚོགས་རྒྱུ་ཡིན་འདུག
དེ་ཡང་ཉིན་གཉིས་རིང་གི་དུས་སྟོན་དེའི་ཐོག་བོད་ཀྱི་ཐུན་མོང་མིན་པའི་ཆོས་དང་རིག་གཞུང། སྒྱུ་རྩལ། ཟློས་གར། དེ་བཞིན་བོད་མིའི་ཁ་ཟས་བཅས་འགྲེམ་སྟོན་གོ་སྒྲིག་ཞུ་འཆར་ཡོད་པ་དེར་མང་ཚོགས་མང་པོ་ཞིག་འདུ་འཛོམས་གནང་རྒྱུའི་རེ་བ་བྱེད་བཞིན་ཡོད། ཕྱོགས་མཚུངས་དུས་སྟོན་དེའི་སྐབས་བོད་ཀྱི་རིག་གཞུང་གཅེས་སྐྱོང་གི་བགྲོ་གླེང་དང་བོད་དོན་གློག་བརྙན་སྟོན་རྒྱུ། བོད་བརྒྱུད་ནང་ཆོས་དང་སྒོམ་ཉམས་ལེན་གནང་སྟངས། བོད་ཀྱི་གསོ་བ་རིག་པ་བཅས་ཀྱི་སྐོར་གཏམ་བཤད་བྱ་རྒྱུའི་ལས་རིམ་སོགས་གོ་སྒྲིག་གནང་རྒྱུ་ཡིན་འདུག
