༢༠༡༣ ཟླ་ ༥ ཚེས་ ༢༣ རེས་གཟའ་ཕུར་བུ།
༄༅། །ཕྱི་ལོ་ ༢༠༡༣ ཟླ་ ༦ ཚེས་ ༢༧། ༢༨ བཅས་ཉིན་གཉིས་རིང་༸གོང་ས་༸སྐྱབས་མགོན་ཆེན་པོ་མཆོག་གིས་ངྷ་སྟེང་བོད་ཁྱིམ་ཚོགས་ཁང་ནང་རྒྱ་གར་རྒྱལ་ཡོངས་ཀྱི་མཐོ་སློབ་ཁག་ཏུ་ཡོད་པའི་བོད་རིགས་མཐོ་རིམ་སློབ་མ་གཙོས། ས་རཱ་དང་ནོར་གླིང་། སྨན་རྩིས་ཁང་བཅས་མཐོ་སློབ་ཁག་དང་། ངྷ་ས་བོད་ཁྱིམ་སྟེང་ཤོད་གཉིས། གྷོ་པལ་པུར་བོད་ཁྱིམ། སུ་ཇཱ་བོད་ཁྱིམ། ཤེས་རབ་དགའ་ཚལ་སློབ་གླིང་བཅས་ཀྱི་སློབ་མ་རྣམས་ལ་མགོན་པོ་གང་ཉིད་མཆོག་གིས་ལྗགས་རྩོམ་མཛད་པའི་ལེགས་བཤད་བློ་གསར་མིག་འབྱེད། ཀྱི་ཆོས་འབྲེལ་སྩལ་གཏན་འཁེལ་ཡོད། དེ་ཡང་༸གོང་ས་མཆོག་གིས་ཕྱི་ལོ་ ༢༠༠༧ ལོ་ནས་བཟུང་ལོ་ལྟར་བོད་པའི་སློབ་མ་རྣམས་ལ་དབྱར་ཁའི་དགུང་གསེང་དང་བསྟབས་བསྟུན། ནང་ཆོས་ངོ་སྤྲོད་མཛད་གསོལ་ཡོད།།
