༢༠༡༣ ཟླ་ ༢ ཚེས་་༡༥་རེས་གཟའ་པ་སངས།
༄༅། །འདི་གར་ཕྱི་ལོ་ ༢༠༡༣ ཟླ་ ༢ ཚེས་ ༡༥ ཉིན་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། ལ་དྭགས་བོད་མིའི་ས་གནས་ཁྲིམས་ཞིབ་ཁང་གི་ཚོད་ལྟའི་ཟུང་དྲུང་བསྟན་འཛིན་མཁྱེན་རབ་ལགས་དང་། ཤར་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཚོད་ལྟའི་ཟུང་དྲུང་བློ་བཟང་ཚེ་ཐར་ལགས་རྣམ་གཉིས་ཟླ་དྲུག་ཚོད་ལྟའི་དུས་ཡུན་གཙང་སྟེ། སྤྱི་ཁྱབ་ཁྲིམས་དྲུང་ནས་ལས་བྱེད་ངོ་མར་བསྐོ་གཞག་ཡོང་བའི་རྒྱབ་གཉེར་ཕུལ་དོན་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་ལྷན་ཚོགས་ ༡༩༨ པའི་ཐོག་བཀའ་བསྡུར་དང་འབྲེལ་བསྟན་འཛིན་མཁྱེན་རབ་ལགས་ཕྱི་ལོ་ ༢༠༡༣ ཟླ་ ༢ ཚེས་ ༡༤ དང། བློ་བཟང་ཚེ་ཐར་ལགས་ཕྱི་ལོ་ ༢༠༡༣ ཟླ་ ༢ ཚེས་ ༡༥ ཉིན་ནས་ཐད་བསྐོས་ལས་བྱེད་ངོ་མར་བསྐོ་གཞག་གིས་སོ་སོར་ལ་དྭགས་དང་ཤར་ཕྱོགས་ས་གནས་ཁྲིམས་ཞིབ་པའི་ལས་འགན་བཀོད་སྒྲིག་གནང་འདུག་པ་བཅས།།
