༢༠༡༢ ཟླ་ ༡༢ ཚེས་ ༢༥ རེས་གཟའ་མིག་དམར།

༄༅། །བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ལྕམ་སྐུ་པག་གུན་ཧེ་ (Ms Park Geun-hye)མཆོག་ལྷོ་ཀོ་རི་ཡའི་ (South Korea) སྲིད་འཛིན་གསར་པར་འདེམས་འཐོན་བྱུང་བར་བོད་མི་མང་སྤྱི་འཐུས་ལྷན་ཚོགས་ཀྱི་འཚམས་འཕྲིན་ཕུལ་བའི་ནང་འཁོད་དོན། བོད་མི་མང་སྤྱི་འཐུས་ལྷན་ཚོགས་ཀྱིས་བོད་མི་ཡོངས་ཀྱི་ཚབ་ཞུས་ཏེ་སྐུ་ཉིད་མཆོག་དང་སྐུ་ཉིད་ཀྱི་ཆབ་སྲིད་ཚོགས་པར་ཉེ་ལམ་ལྷོ་ཀོ་རི་ཡའི་རྒྱལ་ཡོངས་འོས་བསྡུ་ཆེན་མོའི་ནང་མང་མོས་ཀྱིས་རྒྱལ་ཁ་ཤུགས་ཆེ་ཐོབ་པར་འཚམས་འདྲིའི་བཀྲ་ཤིས་བདེ་ལེགས་ཞུས་པ་དང་སྦྲགས། ང་ཚོས་སྐུ་ཉིད་མཆོག་གི་ལས་དོན་མཐའ་དག་ལམ་ལྷོང་ལྡན་པ་ཡོང་ཆེད་སྨོན་འདུན་ཞུ་རྒྱུ་ཡིན། སྐུ་ཉིད་མཆོག་གིས་བོད་ནང་གི་གནས་སྟངས་མཁྱེན་རྟོགས་ཡོད་པ་མ་ཟད། ཡུན་རིང་ལུས་པའི་བོད་ཀྱི་གནད་དོན་དེ་བཞིན་ཞི་བའི་ཐོག་ནས་སེལ་ཆེད་རྒྱབ་སྐྱོར་གནང་རོགས། ཞེས་ང་ཚོས་འབོད་སྐུལ་ཞུ་རྒྱུ་ཡིན། ཞེས་འཁོད་ཡོད།
འཚམས་འཕྲིན་ངོ་མ་དབྱིན་ཡིག་ནང་ཡོད་པས་དེར་རྩ་འཛིན་ཡོང་བ་ཞུ།།