༄༅། །དཔལ་ལྡན་དབུས་བོད་མིའི་སྒྲིག་འཛུགས་ཀྱི་ལྷན་ཁང་ཁག་དང་། ཕྱི་རྒྱལ་སྐུ་ཚབ་དོན་གཅོད་ལྷན་རྒྱས་དང་ས་གནས་འགོ་འཛིན་ཡོངས་ལ།

ཆེད་ཞུ།

རྒྱ་གར་གཞུང་གི་ལྡི་ལི་ས་གནས་ལག་འཁྱེར་ཁང་(Regional Passport Office, Delhi, Government of India) གི་ལས་འགན་རྣམས་ TATA Passport Seva Project (P.S.P) ལ་བོགས་གཏོང་གནང་འཆར་གཏན་འབེབས་ཞུས་ཟིན་པ་ལྟར་འཆར་གཞི་དངོས་སུ་ལག་བསྟར་འགོ་འཛུགས་ གནང་རྒྱུར་ནར་འགྱང་འགྲོ་བཞིན་པའི་མཐུད་མཚམས་སུ་སྔར་ཡོད་རྒྱ་གར་ལག་འཁྱེར་ལས་ ཁུངས་ National Informatics Center (N.I.C) ཆེད་དུ་རྒྱ་གར་གཞུང་རང་ནས་བསྐོ་གཞག་གནང་བའི་ཁྱད་ལས་པ་སོགས་ལས་བྱེད་རྣམས་གནས་སྤོས་ཟིན་རྗེས་ཕྱི་ལོ་༢༠༡༢ ཟླ་ ༡༠ ཚེས་ ༠༣ ཙམ་ནས་ N.I.C Data Base Server ལ་སྐྱོན་ ཆག་ཤུགས་ཆེ་བྱུང་ནས་ད་བར་ IC གསར་པ་པར་སྐྲུན་མ་ཐུབ་པར་ལྷག་ཡོད། སྐབས་མཚུངས་ལྡི་ལི་དོན་གཅོད་ཁང་ནས་རྒྱ་གར་འབྲེལ་ཡོད་དཔོན་རིགས་ཆེ་འབྲིང་ཆུང་གསུམ་ལ་མཇལ་འཕྲད་དང་སྦྲགས་འཕྲལ་མར་ལས་གཞི་འགོ་འཛུགས་ཐུབ་ཐབས་ལ་འབོད་སྐུལ་ཐབས་ཤེས་ཡོད་དགུ་རྩལ་སྤྲུག་བྱས་ཀྱང་ད་བར་དོན་འབྲས་སོན་པ་བྱུང་མེད་པ་དང་། ད་དུང་ཡོང་རྒྱུའི་ཟླ་ཤས་རིང་དཀའ་ངལ་སེལ་ཐབས་མི་འདུག་ན་སོ་སོའི་ཁྱབ་ཁོངས་བོད་མི་སྐྱ་སེར་ཡོངས་ནས་བཟོད་སྲན་གནང་དགོས་པའི་ཛ་དྲག་གསལ་བསྒྲགས་མ་གོ་མ་ཐོས་མེད་པར་གནང་སྐྱོང་ཡོང་བའི་གལ་ཆེའི་གསལ་བསྒྲགས་སུ་ལྡི་ལི་དོན་གཅོད་ཁང་ནས་ཕྱི་ལོ་༢༠༡༢ ཟླ་ ༡༡ ཚེས་ ༡ ཉིན།། །།