༢༠༡༢ ཟླ་ ༨ ཚེས་ ༡༧ རེས་གཟའ་པ་སངས།
༄༅། །འདི་གར་བལ་ཡུལ་སྤོག་ར་བཀྲ་ཤིས་གླིང། མཱ་ནང་། རྡོར་སྤ་ཊན་ནོར་འཛིན་གླིང་གཞིས་ལས་ཁང་གིས་བཏང་གནས་ནང་འཁོད་དོན། བོད་ནང་གི་ཛ་དྲག་གནས་སྟངས་སྤྱི་དང་བྱེ་བྲག་བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་གནང་མཁན་རྒྱལ་གཅེས་པ་ཕོ་མོ་ཡོངས་ལ་གདུང་སེམས་མཉམ་སྐྱེ་ཞུ་ཆེད་དང། དེ་བཞིན་ཕྱི་ལོ་ ༢༠༡༢ ཟླ་ ༨ ཚེས་ ༨ རེས་གཟའ་ལྷག་པའི་ཉིན་དཔལ་ལྡན་བཀའ་བློན་ཁྲི་པ་མཆོག་གིས་བཀའ་བློན་ཁྲི་པའི་ལས་ཁུར་གྱི་དམ་འབུལ་ཞུས་ཏེ་ལོ་གཅིག་འཁོར་བའི་དུས་ཚིགས་འཁེལ་བ་དང་སྟབས་བསྟུན། ས་གནས་བོད་མི་རྣམས་འདུ་འཛོམས་ཐོག་བོད་དོན་ཆེད་རང་སྲོག་བློས་གཏོང་གནང་མཁན་རྒྱལ་གཅེས་པ་ཕོ་མོ་རྣམས་ལ་མྱ་ངན་གུས་འདུད་དང་གདུང་སེམས་མཉམ་སྐྱེ་མཚོན་སླད་སྨོན་ལམ་གསུང་འདོན་གནང་ཡོད་པ་བཅས།།
