༢༠༡༢ ཟླ་ ༧ ཚེས་ ༢༥ རེས་གཟའ་ལྷག་པ།
༄༅། །ཕྱི་ལོ་ ༢༠༡༢ ཟླ་ ༧ ཚེས་ ༢༥ ཉིན་ཏེ་དེ་རིང་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་ House Committee on Foreign Affairs ནང་བོད་དོན་ཉན་ཞིན་གནང་རྒྱུ་ཡིན་འདུག སྤྱིར་ཉན་ཞིབ་སྐབས་རྒྱ་ནག་ནང་འགྲོ་བ་མིའི་ཐོབ་ཐང་དང་མནར་བཅོད། ཡུལ་མི་གར་སོང་ཆ་མེད་དུ་གྱུར་བའི་གནས་སྟངས་སོགས་ཀྱི་སྐོར་ཉན་ཞིབ་གནང་རྒྱུ་ཡིན་འདུག
ཐེངས་འདིའི་ཉན་ཞིབ་སྐབས་རང་དབང་འཐབ་རྩོད་པ་སྐུ་ཞབས་ཇ་རེ་ཌི་གེན་སར་ Mr. Jared Genser དང་ཡུ་གུར་བའི་སྐུ་ཚབ་ལྕམ་སྐུ་ར་བྷི་ཡ་ཁ་ཌིར། Ms. Rebiya Kadeer རྒྱ་ནག་གི་རྩ་རླུང་སྒོམ་སྒྲུབ་ཚོགས་པའི་སྐུ་ཚབ་སྐུ་ཞབས་ཧའི་ལི། Mr. Hai Li དེ་བཞིན་བོད་མིའི་སྐུ་ཚབ་རྒྱལ་སྤྱིའི་བོད་དོན་ལས་འགུལ་ཁང་ (ICT) གི་ཚོགས་གཞོན་བུ་ཆུང་ཚེ་རིང་ལགས་མཉམ་ཞུགས་གནང་རྒྱུ་ཡིན་འདུག ཉན་ཞིབ་ཀྱི་གཙོ་སྐྱོང་བ་ལྕམ་སྐུ་ཨེ་ལི་ན་རོ་སི་ལེ་ཊི་ནན་མཆོག་ Ileana Ros-Lehtinen ཡིན་འདུག་པ་བཅས།།