༢༠༡༢ ཟླ་ ༧ ཚེས་ ༢ རེས་གཟའ་ཟླ་བ།
༄༅། །འདི་གར་ཨོ་སི་ཊོ་ལི་ཡ་སྐུ་ཚབ་དོན་གཅོད་ལས་ཁང་ནས་ཕྱི་ལོ་ ༢༠༡༢ ཟླ་ ༧ ཚེས་ ༢ ཉིན་བཏང་གནས་ནང་འཁོད་དོན། དེ་ཡང་ཕྱི་ཚེས་ ༢ ཉིན་སོག་པོའི་གཞུང་ཚབ་སྐུ་ཞབས་འཇམ་དཔལ་ཚེ་རིང་རྡོ་རྗེ་མཆོག་གནས་སྤོས་ཕེབས་པའི་ཚབ་ཏུ་གཞུང་ཚབ་གསར་པ་སྐུ་ཞབས་རྭབ་བརྟན་སྦོལ་ཌ་མཆོག་སྐུ་ཚབ་དོན་གཅོད་ལས་ཁང་དུ་འཚམས་འདྲི་ཞུ་བར་ཆེད་ཕེབས་གནང་བར་གུས་བསུའི་སྣེ་ལེན་ཞུས་པ་དང་སྦྲགས་ཨོ་སི་ཊོ་ལི་ཡའི་ཁུལ་གནས་བོད་མིའི་གནས་སྟངས་དང༌། བོད་བརྒྱུད་ནང་བསྟན་ཆོས་ཚོགས་ཇི་ཡོད། ༸གོང་ས་མཆོག་གི་ཆིབས་སྒྱུར་སྐོར་བཅས་མཁྱེན་རྟོགས་གནང་བ་ལྟར་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་ལགས་ཀྱིས་ཞིབ་ཕྲའི་འགྲེལ་བཤད་ཞུས་པ་མ་ཟད། གཞི་རྩའི་ྋགོང་ས་ྋསྐྱབས་མགོན་ཆེན་པོ་མཆོག་ཨོ་སི་ཊོ་ལི་ཡར་ཆིབས་སྒྱུར་བཀའ་དྲིན་བསྐྱངས་སྐབས་ཁག་སོ་སོར་སོག་པོའི་གཞུང་ཚབ་ཆེན་མོ་མཆོག་ནས་འཚམས་མཇལ་ཞུ་བར་ཆེད་བཅར་གནང་བཞིན་པ་དང་། ྋགོང་ས་མཆོག་ནས་འབྲུག་པ་དང༌། འབྲས་ལྗོངས་པ། སོག་པོའི་མི་མང་བཅས་ལ་དམིགས་བསལ་མཇལ་ཁ་དང༌། བཀའ་སློབ་གནང་སྐྱོང་ཡོང་བའི་རེ་བསྐུལ་ཞུ་བཞིན་པ་ལྟར་དོན་གཅོད་ལས་ཁང་ནས་གོ་སྒྲིག་གིས་མཐུན་ལམ་དང་འབྲེལ་བ་དམ་ཟབ་ཡོད་མུས་ཡིན་པ་བཅས།།