༢༠༡༢ ཟླ་ ༥ ཚེས་ ༡༦ རེས་གཟའ་ལྷག་པ།
༄༅། །ཕྱི་ལོ་ ༢༠༡༢ ཟླ་ ༥ ཚེས་ ༡༤ རེས་གཟའ་ཟླ་བའི་ཉིན་༸གོང་ས་༸སྐྱབས་མགོན་ཆེན་པོ་མཆོག་དང་དབྱིན་ཇིའི་སྲིད་བློན་སྐུ་ཞབས་ཌེ་ཝིཌ་ཀེམ་མི་རོན་(David Cameron)མཆོག་དང་སྲིད་བློན་གཞོན་པ་སྐུ་ཞབས་ནིག་ཀེ་ལག་མཆོག་(Nick Clegg)མཇལ་འཕྲད་མཛད་པར་རྒྱ་ནག་གཞུང་ནས་སྐྱོན་བརྗོད་བྱས་ཡོད་པར་བརྟེན། དབྱིན་ཇིའི་སྲིད་བློན་ལས་ཁུངས་ཀྱིས་དབྱིན་ཇིའི་སྲིད་བློན་བགྲེས་གཞོན་རྣམ་གཉིས་ནས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་དང་མཇལ་འཕྲད་ཞུས་པ་དེས་དབྱིན་ཡུལ་དང་རྒྱ་ནག་གི་འབྲེལ་བར་དོ་ཕོག་འགྲོ་དགོས་དོན་གང་ཡང་མེད། ༸གོང་ས་ཏཱ་ལའི་བླ༌མ་མཆོག་ནི་རྒྱལ་སྤྱིའི་ནང་ཆོས་ཕྱོགས་ཀྱི་དབུ་ཁྲིད་གལ་ཆེན་ཞིག་ཡིན་པར་བརྟེན། དབྱིན་ཇིའི་སྲིད་བློན་མཆོག་གིས་བཀུར་འོས་མི་སྣ་དེ་དག་ལ་དུས་རྒྱུན་དུ་ནས་མཇལ་འཕྲད་ཞུས་དང་ཞུ་མུས་རེད། དེར་བརྟེན་དབྱིན་ཇིའི་སྲིད་བློན་མཆོག་གིས་མི་སྣ་སུ་ཞིག་དང་མཇལ་འཕྲད་ཞུ་མིན་ནི་སྲིད་བློན་རང་ཉིད་ཀྱིས་ཐག་གཅོད་གནང་གི་རེད་ཅེས་ལན་འདེབས་གནང་ཡོད་པ་བཅས། །