༢༠༡༢ ཟླ་ ༥ ཚེས་ ༢༣ རེས་གཟའ་ལྷག་པ།
༄༅། །ཕྱི་ལོ་ ༢༠༡༢ ཟླ་ ༥ ཚེས་ ༢༢ ཉིན་གྱི་ཕྱི་དྲོ་ཆུ་ཚོད་ ༧ ཐོག་རྡོ་སྦིས་དཔལ་རབ་གླིང་གཞིས་ཆགས་ཚོགས་ཁང་དུ་ཀུ་ལུ་མ་ན་ལི་ཁུལ་གྱི་ཚོང་པའི་ཚོགས་པས་དབུས་ཚོགས་སྐྱིད་ཐུན་མོང་གི་བཀའ་ཁྲི་བློ་བཟང་སེང་གེ་མཆོག་ལ་ཕེབས་བསུའི་གསོལ་སྟོན་གཟབ་རྒྱས་ཤིག་བཤམས་ཡོད།
དེ་ཉིན་ཕྱི་དྲོ་ཆུ་ཚོད་ ༧ ཐོག་བཀའ་ཁྲི་མཆོག་དང༌། ནང་སྲིད་དྲུང་ཆེ་འཁོར་ལྷ་ཚང་བསོད་ནམས་སྟོབས་རྒྱལ་ལགས་ཀྱིས་དབུས་པའི་ཚོགས་སྐྱིད་ཐུན་མོང་གི་གནད་ཡོད་མི་སྣ་གྲངས་ ༥༠ བརྒལ་བ་ལྷན་འཛོམས་ཐོག་བཀའ་ཁྲི་མཆོག་གིས་ཕེབས་བསུའི་གསོལ་སྟོན་དེ་ལྟ་བུ་བཤམས་པར་ཐུགས་རྗེ་ཆེ་ཞུས་པ་དང་སྦྲགས་གསུང་དོན། དབུས་བོད་མིའི་འཛིན་སྐྱོང་གི་ལས་དོན་ཚགས་ཚུད་ཡོང་བ་ལ་རྩ་བ་ས་གནས་ནས་ཆིག་སྒྲིལ་གྱི་ཕྱར་གྲུ་མཉམ་འདེགས་དགོས་པ་གལ་ཆེར་ཆགས་ཡོད་པར་སོང༌། རྣམ་པ་ཚོས་རྒྱུན་གཏན་དྭང་བླང་ལ་སྤྱི་དོན་ཐོག་ལྷག་བསམ་རྣམ་དག་གིས་ཕྱག་ལས་མང་པོ་གནང་བཞིན་ཡོད་པ་བཞིན་མུ་མཐུད་གནང་རོགས་ཞུ་རྒྱུ་ཡིན་ཞེས་གསུང་བཤད་གནང་ཡོད།
ཕྱི་ཚེས་ ༢༡ ཉིན་གྱི་དགོང་དྲོ་བཀའ་ཁྲི་མཆོག་བྷུན་ཐར་ཕེབས་སྐབས་ས་གནས་འགོ་འཛིན་གྱིས་དབུས་ཚོང་པའི་མཐུན་ཚོགས་ཀྱི་སྐུ་ཚབ་དང་ས་གནས་འཐུས་ཚོགས། རང་བདེན་ཚོགས་ཆུང༌། དགོན་སྡེ་ཁག་གི་སྐུ་ཚབ། སྤྱི་མི་བརྒྱ་དཔོན། མང་གཙོ་ཚོགས་པ། ཆུ་སྒང་ཚོགས་པ། གཞོན་ནུ་དང་བུད་མེད། སློབ་གྲྭ་ཁག་གི་འགན་འཛིན་སོགས་ནས་ཀྱང་ཕེབས་བསུ་གཟབ་རྒྱས་ཞུས་ཡོད་པ་བཅས།།
