༢༠༡༢ ཟླ་ ༤ ཚེས་ ༢༠ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༤ ཚེས་ ༡༩ ཉིན་བོད་ནང་གི་ཉིན་རྒྱབ་ཆུ་ཚོད་ ༢ ཙམ་ལ་རྔ་པ་ཁུལ་གྱི་ཛམ་ཐང་ཇོ་ནང་བ་གཙང་པ་དགོན་ཆེན་གྱི་ཉེ་འདབས་སུ་ཕ་དགེ་སྐོར་སྲུང་ཐར་དང་མ་པད་ནེ་གཉིས་ཀྱི་བུ་ཆོས་འཕགས་སྐྱབས་ལགས་དང་། ཡང་མ་སེམས་སྐྱིད་ཀྱི་བུ་བསོད་ནམས་གཉིས་ཀྱིས་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་ཡོད། སྐབས་དེར་ས་གནས་བོད་མི་མང་པོས་མཐའ་སྐོར་ཏེ་སྐུ་ཕུང་ལ་སྲུང་སྐྱོབས་གནང་ཡོད་པ་དང། འདས་གྲོངས་སུ་གྱུར་མཚམས་ཁོང་གཉིས་ཀྱི་སྐུ་ཕུང་ཇོ་ནང་པའི་གཙང་པ་དགོན་ཆེན་དུ་ཁྱེར་འདུག དམ་པ་ཁོང་གཉིས་རང་ལོ་ ༢༠ ཡས་མས་ཡིན་པ་དང་ད་ལྟའི་ཆར་ས་གནས་དེ་རྒྱ་མིའི་ཉེན་རྟོག་དམག་མིས་དམ་བསྒྲགས་འོག་གནས་འདུག་པ་བཅས།།
