༢༠༡༢ ཟླ་ ༤ ཚེས་ ༧ རེས་གཟའ་སྤེན་པ།
༄༅། །ཕྱི་ལོ་ ༢༠༡༢ ཟླ་ ༤ ཚེས་ ༧ ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་ཐེ་ཝན་དུ་གཞུང་འབྲེལ་ཕྱོགས་ཕེབས་ཀྱིས་ཐེ་ཝན་འཕྲོད་བསྟེན་ལས་ཁུངས་ཀྱི་འགན་འཛིན་ཁག་གཅིག་དང་མཇལ་འཕྲད་གནང་སྟེ་འཕྲོད་བསྟེན་ཡར་རྒྱས་ཀྱི་ཕན་ཚུན་དགོང་འཆར་བརྗེ་ལེན་དང་ལྷན་ཚོགས་སོགས་ལ་མཉམ་ཞུགས་གནང་རྒྱུ་ཡིན་འདུག
ཕྱི་ཚེས་ ༧ ཉིན་བཀའ་བློན་མཆོག་རྡ་ས་ནས་ལྡི་ལིར་ཕེབས་འབྱོར་དང་། ཕྱི་ཚེས་ ༨ དགོང་དྲོ་ལྡི་ལི་ནས་མཁའ་ལམ་བརྒྱུད་ཐེ་ཝན་དུ་ཕེབས་འབྱོར་གྱིས་ཉིན་གྲངས་ལྔའི་རིང་ཐེ་ཝན་འཕྲོད་བསྟེན་ལས་ཁུངས་ཀྱི་འགན་འཛིན་ཁག་གཅིག་གི་ལྷན་མཇལ་འཕྲད་དང་འཕྲོད་བསྟེན་ཡར་རྒྱས་ཀྱི་ཕན་ཚུལ་དགོངས་འཆར་བརྗེ་ལེན། དེ་བཞིན་འཕྲོད་བསྟེན་གྱི་ལྷན་ཚོགས་སོགས་ལ་མཉམ་ཞུགས་གནང་རྒྱུ་ཡིན་འདུག ཕྱི་ཚེས་ ༡༤ ཉིན་ཐེ་ཝན་ནས་མཁའ་ལམ་བརྒྱུད་ལྡི་ལིར་ཕེབས་འབྱོར་གནང་རྒྱུ་ཡིན་འདུག་པ་བཅས། །
འཕྲོད་བསྟེན་བཀའ་བློན་མཆོག་གཞུང་འབྲེལ་ཕྱོགས་ཕེབས།
གསར་གནས།
འབྲེལ་གནས།
