༢༠༡༢ ཟླ་ ༣ ཚེས་ ༡༩ རེས་གཟའ་ཟླ་བ།
༄༅། །འདི་གར་ཕྱི་ལོ་ ༢༠༡༢ ཟླ་ ༣ ཚེས་ ༡༩ ཉིན་ཁུངས་ལྡན་གནས་ཚུལ་འབྱོར་གསལ་ལྟར་ན། ཨ་མདོ་མགོ་ལོག་པདྨ་རྫོང་དུ་ད་ལོའི་བོད་ཀྱི་ལོ་གསར་ཚེས་གཅིག་ཉིན་ཏེ་ཕྱི་ལོ་ ༢༠༡༢ ཟླ་ ༢ ཚེས་ ༢༢ ཉིན་སེར་སྐྱ་མི་མང་ཁག་གཅིག་ནས་རྒྱ་ནག་གཞུང་ལ་ངོ་རྒོལ་གྱིས་༸གོང་ས་མཆོག་ལ་བོད་ལ་གདན་འདྲེན་ཞུ་དགོས། བོད་ནང་ཆོས་དད་རང་དབང་དགོས་ཞེས་སོགས་ཀྱི་འབོད་ཚིག་སྒྲོག་སྟེ་པདྨ་རྫོང་ཐོག་ཏུ་ངོ་རྒོལ་ཤུགས་ཆེ་བྱས་རྗེས་བོད་མི་སེར་སྐྱ་ཁག་གཅིག་འཛིན་བཟུང་བྱས་ཡོད་པ་ལྟར། ཉེ་ཆར་ཕྱི་ཟླ་ ༣ ཚེས་ ༡༣ ཉིན་མགོ་ལོག་ས་ཁུལ་མི་མང་ཁྲིམས་ཁང་ནས་མགོ་ལོག་པདྨ་རྫོང་དབང་རུ་ཤང་ཁོངས་ཀྱི་བོད་མི་ལྔ་ལ་དུས་བཀག་བཙོན་འཇུག་གི་ཁྲིམས་ཆད་བཏང་ཡོད་པའི་གནས་ཚུལ་ཐོན་འདུག
བོད་མི་ལྔ་པོ་ནི་རང་ལོ་ ༢༨ སོན་པ་ཚེ་བརྟན་ལ་དུས་བཀག་བཙོན་འཇུག་ལོ་ ༣ དང༌། ཁོང་གི་གཅུང་པོ་རང་ལོ་ ༢༥ སོན་པ་དབང་པོར་དུས་བཀག་བཙོན་འཇུག་ལོ་ ༢ རང་ལོ་ ༡༧ སོན་པ་དཔལ་ལྷོར་དུས་བཀག་བཙོན་འཇུག་ལོ་ ༡ རང་ལོ་ ༢༠ སོན་པ་དཔལ་རྒྱལ་ལ་དུས་བཀག་བཙོན་འཇུག་ལོ་ ༡ དང་ཕྱེད་ཀ། རང་ལོ་ ༢༦ སོན་པའི་དམ་ཚིག་ལ་དུས་བཀག་བཙོན་འཇུག་ལོ་ ༢ བཅས་ཀྱི་ཁྲིམས་ཆད་བཏང་ཡོད་པའི་གནས་ཚུལ་ཐོན་འདུག
ཨ་མདོ་མགོ་ལོག་པདྨ་ས་ཁུལ་གྱི་བོད་མི་ཁག་གཅིག་ལ་ཁྲིམས་ཆད་བཏང་བ།
གསར་གནས།
འབྲེལ་གནས།
