༢༠༡༢ ཟླ་ ༣ ཚེས་ ༢༨ རེས་གཟའ་ལྷག་པ།
༄༅། །ཕྱི་ལོ་ ༢༠༡༢ ཟླ་ ༣ ཚེས་ ༢༨ ཉིན་རྒྱ་གར་ལྷོ་ཕྱི་ལས་ཁུངས་ནས་བཏང་གནས་ནང་འཁོད་དོན། རྒྱ་གར་ལྷོ་ཕྱོགས་ཀར་ན་ཊ་ཀ་མངའ་གཞུང་གིས་ཕྱི་ཚེས་ ༢༡ ཉིན་ལྷོ་ཕྱོགས་བོད་མིའི་གཞིས་ཆགས་ཁག་ཏུ་ཆུ་དང་གཞུང་ལམ་སོགས་ཡར་རྒྱས་ཆེད་རོགས་དངུལ་གནང་ཡོད། དེ་ཡང་སྦེལ་ཀོབ་བོད་མིའི་གཞིས་ཆགས་སུ་ཧིན་སྒོར་འབུམ ༥༥ དང་ཀོ་ལེ་གྷལ་གཞིས་ཆགས་སུ་ཧིན་སྒོར་འབུམ། ༣༣ དེ་བཞིན་མོན་གྷོ་གཞིས་ཆགས་སུ་འབུམ་ ༢༢ བཅས་གནང་ཡོད་པ་མ་ཟད། ཀོ་ལེ་གྷལ་གཞིས་ཆགས་ཀྱི་ལམ་གསོའི་ཆེད་ཧིན་སྒོར་འཕར་མ་འབུམ་ ༦༠ གནང་ཡོད། དེ་ཡང་བྷེང་ལོར་ལྷོ་སྤྱི་བཀྲིས་ཕུན་ཚོགས་ལགས་ཀྱིས་མངའ་གཞུང་གི་དྲུང་ཆེ་ལྕམ་སྐུ་ཨ་མི་ཏ་པར་སཱ་དེ་(Amita Prasad)མཆོག་ལ་ཐུགས་རྗེ་ཆེ་ཞུས་ཡོད་འདུག ད་ཐེངས་རོགས་དངུལ་འདི་བཞིན་ལྷོ་སྤྱིས་རྒྱ་གར་མངའ་སྡེ་གཞུང་གི་གྲོང་གསེབ་ཡར་རྒྱས་ཚོགས་ཆུང་གི་དྲུང་ཆེ་མཆོག་ལ་ལན་མང་རོགས་རམ་གནང་སྐྱོང་ཡོང་བའི་འབོད་སྐུལ་ཞུས་པར་བརྟེན་ནས་ཐོབ་པ་ཞིག་ཡིན་འདུག་པ་བཅས།།