༢༠༡༡ ཟླ་ ༩ ཚེས་ ༢༢ རེས་གཟའ་ཕུར་བུ།
༄༅། །འདི་གར་ཨོ་རི་ས་ཕུན་ཚོགས་གླིང་གི་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༡ ཟླ་ ༩ ཚེས་ ༢༠ ཉིན་ཨོ་རི་ས་ཕུན་ཚོགས་གླིང་ས་གནས་འགོ་འཛིན་ལས་ཁུངས་ཀྱིས་གོ་སྒྲིག་འོག་ཕ་རན་སི་ནས་ཆེད་ཕེབས་གནང་བའི་འཚོ་བ་ཚོགས་པའི་ཚོགས་གཙོས་དབུས་པའི་སྨན་ཞབས་པ་དང་ལས་བྱེད་མི་གྲངས་ ༧ དང་ཉིན་སློབ་ཀྱི་སློབ་སྤྱི་གཙོས་སློབ་དགེ་དང་ལས་བྱེད་གྲངས་ ༣༦ ས་གནས་དངུལ་ཁང་འགན་འཛིན་གྲངས་ ༢ བཅས་ལ་དབུ་མའི་ལམ་གྱི་སྲིད་བྱུས་སྐོར་གོ་རྟོགས་སླེལ་སླད་གཏམ་བཤད་ཀྱི་ལས་འགུལ་ཞིག་སྤེལ་ཡོད། གོང་ཚེས་ཉིན་ལས་འགུལ་ཐོག་ས་གནས་འགོ་འཛིན་ངག་དབང་ཡོན་ཏན་གྱིས་བོད་ཀྱི་རྒྱལ་རབས་ལོ་རྒྱུས་དང་ད་ལྟའི་བོད་ཕྱི་ནང་གཉིས་ཀྱི་གནས་སྟངས་སྐོར་གཏམ་བཤད་དང་སྦྲགས། བོད་མིའི་སྒྲིག་འཛུགས་ཀྱི་དབུ་མའི་ལམ་གྱི་སྲིད་བྱུས་ཀྱི་འབྱུང་རབས་ལོ་རྒྱུས་དང་ཁེ་ཕན། དམིགས་ཡུལ་དང་བཅས་པ་ངོ་སྤྲོད་གནང་ཡོད། ལས་འགུལ་མཇུག་བསྡོམས་སྐབས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ནས་འགྲེམས་སྤེལ་ཞུས་པའི་དབུ་མའི་ལམ་གྱི་འཁོར་ཐག་བསྟན་ཡོད་པ་བཅས།།