༢༠༡༡ ཟླ་ ༨ ཚེས་ ༣༡ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༩ ཚེས་ ༢ ནས་ཚེས་ ༩ བར་བཀའ་ཁྲི་བློ་བཟང་སེང་གེ་མཆོག་རྒྱ་གར་རྒྱལ་ས་ལྡི་ལིར་བིབེཀཱནནྡཱ་ཐེབས་རྩས་གོ་སྒྲིག་གི་བགྲོ་གླེང་ཚོགས་འདུ་དང་། ཤེས་རིག་ཚོགས་འདུ། གནད་ཡོད་མི་སྣ་མཇལ་འཕྲད་གནང་རྒྱུ་སོགས་གཞུང་འབྲེལ་ཕྱོགས་བསྐྱོད་གནང་རྒྱུ་ཡིན་འདུག
དེ་ཡང་གོང་ཚེས་ཉིན་གྱི་ཕྱི་དྲོ་བཀའ་ཁྲི་མཆོག་རྡ་ས་ནས་ཅཀྐཱི་བྷེངྐ་བརྒྱུད་ལྡི་ལིར་ཕེབས་འབྱོར་གནང་རྒྱུ་དང་། ཕྱི་ཚེས་ ༣ དང་ ༤ ཉིན་གཉིས་རིང་བོད་རིགས་སློབ་སྤྱི་ཁག་དང་ཚོགས་འདུག་གནང་རྒྱུ། ཕྱི་ཚེས་ ༥ ཉིན་རྒྱ་གར་བོད་དོན་རྒྱབ་སྐྱོར་ཚོགས་པ་ཁག་གི་སྡེ་ཚན་ནང་མའི་ཚོགས་མི་རྣམས་དང་ཚོགས་འདུ་གནང་རྒྱུ་དང་། ཕྱི་ཚེས་ ༦ ཉིན་བིབེཀཱནནྡཱ་ཐེབས་རྩས་གོ་སྒྲིག་གི་བགྲོ་གླེང་ཚོགས་འདུར་གསུང་བཤད་གནང་རྒྱུ་དང་། ཕྱི་ཚེས་ ༧ དང་ ༨ ཉིན་གནད་ཡོད་མི་སྣ་ཁག་མཇལ་འཕྲད་གནང་རྒྱུ། ཕྱི་ཚེས་ ༨ ཉིན་ལྡི་ལི་ནས་ཕེབས་ཐོན་གྱིས་ཕྱི་ཚེས་ ༩ ཉིན་ཅཀྐཱི་བྷེངྐ་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས། །