༢༠༡༡ ཟླ་ ༤ ཚེས་ ༡༩ རེས་གཟའ་མིག་དམར།
༄༅། །ཕྱི་ལོ་ ༢༠༡༡ ཟླ་ ༤ ཚེས་ ༡༩ ཉིན་རྡ་ས་གངས་སྐྱིད་དཔེ་མཛོད་ཚོགས་ཁང་དུ་བོད་གཞུང་འཕྲོད་བསྟེན་ལས་ཁུངས་ནས་གོ་སྒྲིག་ཐོག་བོད་མིའི་སྨན་བཅོས་ལྟ་སྐྱོང་ལས་གཞིའི་སྐོར་ལ་ཆེད་ལས་པ་གདན་ཞུས་ཀྱི་ཟབ་ཁྲིད་ཞིག་ཡོད།
དེ་ཉིན་ཕྱེད་ཡོལ་ཆུ་ཚོད་ ༡།༣༠ ཐོག་འཕྲོད་བསྟེན་དྲུང་ཆེ་ཕ་ཟུར་དབང་ཕྱུགས་ལགས་དང། དྲུང་འཕར་སྟོབས་རྒྱལ་ཚེ་རིང་ལགས། ལྡི་ལི་ Micro Insurance Academy (MIA) New Delhi ནས་གདན་ཞུ་བྱས་པའི་ཆེད་ལས་པ་རྣམ་གཉིས་དང་ཕྱོགས་མཐའི་སྨན་ཁང་ཁག་གི་འགན་འཛིན་དང་སྨན་པ།  དབུས་འཕྲོད་བསྟེན་ལས་ཁུངས་ཀྱི་ལས་བྱེད་བཅས་མི་གྲངས་ ༣༥ བརྒལ་བའི་དབུས་སུ་ཐོག་མར་དྲུང་འཕར་སྟོབས་རྒྱལ་ཚེ་རིང་ལགས་ཀྱི་ངོ་སྤྲོད་གནང་གྲུབ་མཚམས་ཆེད་ལས་པ་སྐུ་ཞབས་ (Mr. Ralf Rad Eemacher ) ལགས་དང་་། ( Mr. Siddharth Srivastava)  རྣམ་གཉིས་ནས་སྨན་བཅོས་ལྟ་སྐྱོང་ལས་གཞིའི་ལག་ལེན་བསྟར་ཕྱོགས་སྐོར་ལ་ཆེད་ལས་རིག་པའི་ལམ་སྲོལ་ཐོག་ནས་འགྲེལ་བཤད་ཞིབ་རྒྱས་གནང་ཡོད་པ་བཅས།།