༢༠༡༠ ཟླ་ ༧ ཚེས་ ༢༣ རེས་གཟའ་པ་སངས།

༄༅། །ཕྱི་ལོ་ ༢༠༡༠ ཟླ་ ༧ ཚེས་ ༢༠ དང་ ༢༡ ཉིན་སོ་སོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༧༥ ཕེབས་པའི་དུས་ཆེན་ལོ་གཅིག་ཧྲིལ་

ཅོག་ལམ་སར་འཛིན་རིམ་བདུན་པ་བརྒྱད་པའི་སློབ་ཕྲུག

པོ་སྲུང་བརྩི་ཞུ་རྒྱུའི་ལས་འཆར་ཁོངས་སུ་ད་ལམ་

བཙན་བྱོལ་བོད་གཞུང་ཕྱི་དྲིལ་ཁོར་ཡུག་ཚན་པའི་གོ་སྒྲིག་འོག་ཕྱི་དྲིལ་ཁོར་ཡུག་ཚན་པའི་འབྲེལ་ཡོད་ལས་བྱེད་ཀྱིས་ལ་དྭགས་ཅོག་ལམ་སར་དང་ཨག་གླིང་བཅས་ཀྱི་བོད་ཁྱིམ་སློབ་གྲྭའི་སློབ་ཕྲུག་རྣམས་ལ་བོད་ཀྱི་ཁོར་ཡུག་དང་འབྲོག་པའི་གནས་སྟངས། བོད་ཀྱི་རྒྱུགས་ཆུ་དང་གཙང་ཆུ་ཆེ་ཁག་རྣམས་ལ་རྒྱ་ནག་གཞུང་གིས་ཆུ་རགས་རྒྱག་བཞིན་ཡོད་པ་མ་ཟད། བོད་ཀྱི་རང་བྱུང་གཏེར་རྫས་སྔོག་འདོན་ཇི་འདྲ་བྱེད་བཞིན་ཡོད་མེད་ཀྱི་གནས་ཚུལ་གསལ་བཤད་དང་དེ་བཞིན་གློག་བརྙན་གྱི་ལམ་ནས་ཁ་གསལ་ངོ་སྤྲོད་བྱས་ཡོད། དེ་བཞིན་སྐབས་དེར་ཁོར་ཡུག་ཚན་པའི་ལས་བྱེད་ཆོས་སྐྱིད་ལགས་དང་འཇིགས་མེད་ནོར་བུ་ལགས་གཉིས་ཀྱིས་སྟོང་ལ་ཉེ་བའི་བོད་ཀྱི་རི་དྭགས་ཀྱི་གནས་སྟངས་དང། ལྷག་པར་བོད་དང་ལ་དྭགས་ནང་འཚོ་གནས་བྱེད་བཞིན་པའི་རི་དྭགས་གཙོད་ (Antelope) སྐོར་གྱི་གནས་ཚུལ་ངོ་སྤྲོད་བྱས་པ་དང་སྦྲགས་ཕྲུ་གུ་ཚོས་རང་གི་ཕ་མར་སྟོང་ལ་ཉེ་བའི་རི་དྭགས་གི་པགས་རིགས་དང།

ཨག་གླིང་སློག་གྲྭའི་ནང་།

དབྱར་རྩྭ་དགུན་འབུ་བཅས་ཁྲིམས་འགལ་གྱི་ཚོང་ལས་ལ་འཛེམས་ཟོན་གནང་དགོས་སྐོར་ལམ་སྟོན་བྱེད་དགོས་པའི་འབོད་སྐུལ་ཡང་བྱས་ཡོད་པ་མ་ཟད། སློབ་ཕྲུག་ཚོ་དང་དྲི་བ་དྲིས་ལན་ཡང་བྱས་ཡོད། དེ་བཞིན་ཕྱི་ཚེས་ ༢༤ ཉིན་གོང་བརྗོད་ས་གནས་ཁག་གི་སློབ་དགེ་དང་ལས་བྱེད། སློབ་ཕྲུག་གི་ཕ་ཚབ་མ་ཚབ་བཅས་ཚང་འཛོམས་ཐོག་ཁོང་ཚོར་བོད་ཀྱི་ཁོར་ཡུག་གནས་སྟངས་ངོ་སྤྲོད་གནང་རྒྱུ་ཡིན་འདུག་པ་བཅས།།