༢༠༡༠ ཕྱི་ཟླ་ ༦ ཚེས་ ༣༠ རེས་གཟའ་ལྷག་པ།
༄༅། །འདི་གར་ཏི་ཛུ་དར་རྒྱས་གླིང་ས་གནས་འགོ་འཛིན་ལས་ཁང་ནས་བཏང་གནས་ནང་གསལ། ཉེ་ཆར་བོད་མདོ་ཁམས་སྐྱེ་རྒུ་མདོར་ས་ཡོམ་གྱི་གོད་ཆག་འོག་རྐྱེན་འདས་སུ་གྱུར་བ་དང་རྨས་སྐྱོན་ཕོག་པ་རྣམས་ལ་གདུང་སེམས་མཉམ་སྐྱེ་ཆེད་ཏི་ཛུ་དར་རྒྱས་གླིང་གཞིས་དགོན་གསུམ་གྱི་བླ་གྲྭ་རྣམ་པ་དང་མི་མང་ཡོངས་ནས་བདུན་ཚིགས་བདུན་པ་བར་ཞབས་རིམ་དང་སྨོན་ལམ་གསོལ་འདེབས་གནང་ཡོད་པ་རེད། ཕྱི་ལོ་ ༢༠༡༠ ཟླ་ ༦ ཚེས་ ༡ ཉིན་ས་ཡོམ་གྱི་གོད་ཆག་འོག་རྐྱེན་འདས་སུ་གྱུར་བ་རྣམས་ཀྱི་བདུན་ཚིགས་བདུན་པ་འཁེལ་སྟབས་ལྷ་དགོན་བྱང་ཆུབ་ཆོས་གླིང་དབུ་འཛིན་རྫོགས་ཆེན་དགའ་ནོར་རིན་པོ་ཆེ་དབུ་བཞུགས་ཐོག་བླ་སྤྲུལ་དགེ་འདུན་རྣམ་པ་དང་གཞིས་གྲོང་ལྔའི་མི་མང་ཡོངས་རྫོོགས་ནས་འོད་དཔག་ཆོ་གའི་ཐོག་ཚོགས་མཆོད་ཞབས་རིམ་གཟབ་རྒྱས་ཞུས་ཡོད་པ་རེད། དེ་ཡང་ཞབས་རིམ་གྱི་སྒྲུབ་ཐོ་ཁག་གཤམ་གསལ།
ཨང་། ཞབས་རིམ། གྲངས།
༡། མ་ཎི། ༤༡༩༤༨༦༠
༢། བཛྲ་གུ་རུ། ༤༥༢༠༠
༣། སྒྲོལ་མ། ༡༠༡༠
༤། སྟོན་པའི་མཚན་སྔགས། ༢༠༠༠
༥། འོད་དཔག ༧༠༠༠
༦། ལྷ་དགོན་བྱང་ཆུབ་ཆོས་གླིང་ནས་བདེ་ཆེན་སྨོན་ལམ་རྒྱས་བསྡུས། ༨༢༨༡
༧། ལྷ་དགོན་བྱང་ཆུབ་ཆོས་གླིང་ནས་བཟང་སྤྱོད་སྨོན་ལམ། ༨༢༨༡
༨། ལྷ་དགོན་བྱང་ཆུབ་ཆོས་གླིང་ནས་མ་ཎི། ༡༢༧༤༠༠
