༢༠༡༠ ཕྱི་ཟླ་ ༤ ཚེས་ ༡༩ རེས་གཟའ་ཟླ་བ།
༄༅། །ཕྱི་ལོ་ ༢༠༡༠ ཟླ་ ༤ ཚེས་ ༡༨ ཉིན་རྒྱ་ནག་སྲིད་འཛིན་ཧུའུ་ཅིན་ཐའོ་སྐྱེ་རྒུ་མདོར་ས་ཡོམ་ཤུགས་ཆེ་བརྒྱབ་ནས་ཉིན་གྲངས་བཞི་ཙམ་སོང་རྗེས་ས་གནས་དེར་མང་ཚོགས་རྣམས་ལ་སེམས་གསོ་གཏོང་ཆེད་བསྐྱོད་ཡོད་སྐོར་བྷི་བྷི་སིའི་དྲྭ་རྒྱའི་ནང་འཁོད་འདུག དེ་བཞིན་དྲྭ་རྒྱ་དེའི་ནང་རྒྱ་ནག་གཞུང་གི་དྲྭ་རྒྱ་ཤིང་ཧ་གསར་འགྱུར་ལུང་འདྲེན་བྱས་ཏེ་ས་ཡོམ་གྱི་གོད་ཆག་འོག་ཚེ་སྲོག་ཤོར་བའི་མིའི་གྲངས་ཚད་ད་ཆ་ ༡༧༠༠ ཙམ་བསླེབས་ཡོད་པ་དང་མི་གྲངས་ ༢༠༠ ཙམ་གར་སོང་ཆ་མེད་དུ་གྱུར་ཡོད་ཚུལ་གསལ་ཡོད་པ་མ་ཟད། དྲྭ་རྒྱ་དེའི་ནང་གི་རྒྱ་ནག་སྲིད་འཛིན་ཧུའུ་ཅིན་ཐའོ་ལྷོ་ཨ་རིའི་ནང་རྒྱལ་དོན་སྐོར་བསྐྱོད་ཕྱིར་འཐེན་བྱས་ནས་སྐྱེ་རྒུ་མདོར་ལྟ་སྐོར་དུ་བསྐྱོད་ཡོད་ཚུལ་ཡང་བཀོད་འདུག
