༢༠༡༠ ཕྱི་ཟླ་ ༤ ཚེས་ ༡༦ རེས་གཟའ་པ་སངས།

༄༅། །ཕྱི་ལོ་ ༢༠༡༠ ཟླ་ ༤ ཚེས་ ༡༦ སྔ་དྲོ་ཆུ་ཚོད་ ༨།༤༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ནས་ས་ཐོག་བརྒྱུད་གྷ་གྷལ་གནམ་ཐང་དུ་༸ཞབས་སོར་བཀྲིན་ཆེ་བ་སྐྱོང་སྐབས་བོད་མི་གཙོ་བོར་གྱུར་བའི་དད་ལྡན་མང་ཚོགས་རྣམས་ཀྱིས་ཕེབས་ལམ་གཡས་གཡོན་དུ་ལག་ཏུ་སྤོས་སྣེ་དང་དཀར་གཙང་མཇལ་དར་ཐོགས་ཏེ་ཕེབས་སྐྱེལ་གཟབ་རྒྱས་ཞུས། དེ་ཡང་མགོན་པོ་གང་ཉིད་མཆོག་ལ་ཨིན་ཌར་གྷཱན་ལྷི་རྒྱལ་ཡོངས་གཙུག་ལག་སློབ་ཁང་ནང་ (Indra Gandhi National Open University) ཡེ་ཤུའི་ཨ་མ་དམ་པ་ཊེ་རེ་སའི་དྲན་གསོའི་ལོ་འཁོར་ཚོགས་ཆེན་ཐེངས་གསུམ་པར་ (Annual Mother Teresa Memorial Lecture) ཇི་ལྟར་གདན་ཞུའི་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་སྨིན་སྩལ་གྱིས་ཆིབས་སྒྱུར་བཀྲིན་བསྐྱངས་ཡོད། དེ་ཉིན་མགོན་པོ་གང་ཉིད་མཆོག་གིས་མ་དང་བྱམས་བརྩེའི་བརྗོད་གཞིའི་ཐོག་བཀའ་སློབ་བཀའ་དྲིན་སྩལ་གནང་མཛད་རྒྱུ་ཡིན་འདུག