༢༠༠༩ ཕྱི་ཟླ་ ༡༢ ཚེས་ ༤ རེས་གཟའ་པ་སངས།
༄༅། ཕྱི་ལོ་ ༢༠༠༩ ཟླ་ ༡༢ ཚེས་ ༣ ཉིན་དགོང་དྲོ་ཆུ་ཚོད་ ༦།༠༠ ཐོག་བོད་གཞུང་ཟློས་གར་ཚོགས་པས་བཙན་བྱོལ་བོད་གཞུང་གི་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་དབུས་པའི་ལྷན་ཁང་ཁག་གི་དྲུང་ཆེ་ཆུང་དང་གཞུང་ཞབས་རྣམ་པ། ཕྱོགས་མཐའ་ཁག་དང་རྡ་ས་སོགས་ནས་གདན་འདྲེན་ཞུས་པའི་ཟློས་གར་ཚོགས་མི་
ཟློས་གར་ཚོགས་པའི་འཁྲབ་སྟོན་པ་རྣམས་ནས་ནང་མ་སྟོད་གཞས་འབུལ་བཞིན་པ།
ཟུར་པ་བཅས་ཐོག་མ་ཚོགས་ཁང་གདན་ཞུས་ཀྱི་བཞུགས་གྲལ་དུ་འཁོད་རྗེས་སྐུ་མགྲོན་གཙོ་བོ་བཀའ་ཟུར་བསྟན་འཛིན་དགེ་བྱེད་མཆོག་གདན་ཞུས་གནང་སྟེ་བོད་གཞུང་ཟློས་གར་གྱིས་འཁྲབ་ཁྲིད་གནང་བའི་ཆོས་རྒྱལ་ཁྲི་སྲོང་ལྡེའུ་བཙན་གྱི་ཆོས་ཕྱོགས་ཀྱི་མཛད་འཕྲིན་གཙོ་བོར་བརྗོད་པའི་བརྙན་འཕྲིན་གཟིགས་མོ་བསྟན། དེ་རྗེས་དོ་
ཟློས་གར་ཟུར་པ་ཁག་གཅིག་ནས་ནང་མ་སྟོད་གཞས་འབུལ་བཞིན་པ།
རར་གྲ་སྒྲིག་འཐུས་ཚང་གནང་ཡོད་པའི་སར་ཚང་མ་གདན་ཞུས་ཀྱིས་གསོལ་ཇ་དང་བཞེས་ཏོག་བཏེགས་པ་དང་སྦྲགས་སྒྱུ་རྩལ་འགན་འཛིན་ནས་མཛད་རིམ་དང་འབྲེལ་བའི་ངོ་སྤྲོད་གནང་། དེ་ནས་སྐུ་མགྲོན་གཙོ་བོ་སྐུ་ངོ་བཀའ་ཟུར་བསྟན་འཛིན་དགེ་བྱེད་མཆོག་ནས་གསུང་བཤད་གནང་། གསུང་བཤད་ནང་དེ་སྔ་ཟློས་གར་ཚོགས་པར་དཀའ་ངལ་འཕྲད་སྐབས་སྐུ་ངོ་མཆོག་ནས་རྒྱབ་སྐྱོར་གནང་བར་བརྟེན་ཟློས་གར་ཚོགས་པ་དཀའ་ལས་གྲོལ་ཡོད་པ་དང་། ད་ཆ་ཟློས་གར་ཚོགས་པ་འདི་བཞིན་སྒྱུ་རྩལ་ལྡན་པའི་བོད་ཀྱི་རིག་གཞུང་འཁྲབ་སྟོན་གྱི་ལམ་ནས་ཁྱབ་སྤེལ་གནང་མཁན་གལ་ཆེ་ཅན་ཞིག་ཏུ་གྱུར་ཡོད་པ་སོགས་ལོ་རྒྱུས་འཕེལ་རིམ་གྱི་གསུང་བཤད་གནང་གྲུབ་རྗེས་དགོང་ཚིགས་དང་ལྷན་དུ་བོད་ཀྱི་ཟློས་གར་ཚོགས་པ་དང་ཟློས་གར་ཟུར་པ་རྣམས་ནས་སྲི་ཞུ་བ་རྣམས་ལ་བོད་ཀྱི་སྲོལ་རྒྱུན་ནང་མ་སྟོད་གཞས་གཟིགས་མོ་འཁྲབ་སྟོན་གནང་། འཁྲབ་སྟོན་ཡོངས་སུ་གྲུབ་རྗེ་ཆུ་ཚོད་ ༩། ༣༠ ཐོག་བཀའ་དྲུང་མི་འགྱུར་རྡོ་རྗེ་ལགས་ནས་སྲི་ཞུ་བ་ཡོངས་ཀྱི་ཚབ་ཞུས་ཏེ་བོད་གཞུང་ཟློས་གར་ཚོགས་མི་རྣམས་ལ་ཐུགས་རྗེ་ཆེ་ཞུའི་གསུང་བཤད་གནང་། དེ་རྗེས་ཟློས་གར་དྲུང་ཆེ་ནས་ཐུགས་རྗེ་ཆེ་ཞུ་བ་དང་སྦྲགས་ཉིན་གཉིས་པའི་དུས་དྲན་སྲུང་བརྩིའི་ལས་རིམ་ཡོངས་སུ་གྲུབ།
