ཟླ་བ་ ༡༠ ཚེས ༣༡ ༢༠༡༧
Published By Bhara Yeshi Kundak

ཕྱི་ལོ་ ༢༠༡༧ ཟླ་ ༡༠ ཚེས་ ༣༡ རེས་གཟའ་མིག་དམར།

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། སྐབས་ ༡༦ པའི་བོད་མི་མང་སྤྱི་འཐུས་རྣམས་བོད་མིའི་འདུ་སྡོད་གཞིས་ཆགས་ཁག་ལ་ཕྱོགས་བསྐྱོད་ཕེབས་རྒྱུའི་ས་བགོས་ཡོད་པ་ལྟར། སྤྱི་འཐུས་ཟླ་བ་ཚེ་རིང་ལགས་དང་སྤྱི་འཐུས་མི་འགྱུར་རྡོ་རྗེ་ལགས་རྣམ་གཉིས་ཕྱི་ལོ་ ༢༠༡༧ ཟླ་ ༡༠ ཚེས་ ༣༡ ནས་ཕྱི་ཟླ་ ༡༡ ཚེས་ ༣༠ བར་རྒྱ་གར་མངའ་སྡེ་མཧཱ་རཱཤཀྲ་ Maharashtra ནང་རྟེན་གཞི་བྱས་པའི་བྷན་དཱ་ར་ནོར་རྒྱས་གླིང་བོད་མིའི་གཞིས་ཆགས་དང་། རྒྱ་གར་མངའ་སྡེ་ཆ་ཏི་སི་སྒར་ Chattisgarh ནང་རྟེན་གཞི་བྱས་པའི་མན་སྤར་ཕན་བདེ་གླིང་བོད་མིའི་གཞིས་ཆགས་བཅས་དང་། དེ་བཞིན་གཞིས་ཆགས་གཉིས་ཀྱི་ཁྱབ་ཁོངས་བོད་མིའི་སུད་ཚོང་ས་གནས་ཁག་ ༡༨ ལ་གཞུང་འབྲེལ་ཕྱོགས་བསྐྱོད་གནང་གཏན་འཁེལ་ཡོད།
དེ་ཡང་སྤྱི་འཐུས་རྣམ་པ་གཉིས་ཕྱི་ཚེས་ ༣༡ ཉིན་གྱི་ཕྱི་དྲོ་རྡ་ས་དང་། སྦེལ་ཀོབ་ས་གནས་སོ་སོ་ནས་ཕེབས་ཐོན་གནང་སྟེ་ཕྱི་ཟླ་ ༡༡ ཚེས་ ༣ ཉིན་མཧཱ་རཱཤཀྲ་མངའ་སྡེའི་གྲོང་ཁྱེར་ནག་སྤུར་དུ་མཉམ་འཛོམས་གནང་རྒྱུ་དང་། ཕྱི་ཚེས་ ༤ ནས་ ༡༦ བར་བྷན་དཱ་ར་ནོར་རྒྱས་གླིང་གཞིས་ཆགས་དང་དེའི་ཁྱབ་ཁོངས་སུད་ཚོང་ཁག་ལ་ལས་རིམ་དང་། དེ་བཞིན་ཕྱི་ཚེས་ ༡༧ ནས་ ༢༩ བར་མན་སྤར་ཕན་བདེ་གླིང་གཞིས་ཆགས་དང་དེའི་ཁྱབ་ཁོངས་སུད་ཚོང་ཁག་ལ་མུ་མཐུད་ལས་རིམ་དང་། ཕྱི་ཚེས་ ༣༠ ཉིན་སྤྱི་འཐུས་རྣམ་པ་གཉིས་སོ་སོའི་བཞུགས་གནས་སུ་ཕེབས་ཐོན་གནང་རྒྱུ་ཡིན་པ་བཅས།།

Share with your friends










Submit