མདུན་ཤོག » གསར་གནས། » གསལ་བསྒྲགས། » སྤྱི་ཡོངས་གསལ་བསྒྲགས། »

འཕྲལ་སེལ་ལས་བྱེད་གསལ་བསྒྲགས།

༢༠༡༧ ཟླ་ ༥ ཚེས་ ༤ རེས་གཟའ་ཕུར་བུ།

༄༅།  །བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་སྤྱི་ཚོགས་ཡར་རྒྱས་ཐེབས་རྩའི་བུད་མེད་ནུས་སྟོབས་གོང་སྤེལ་ཚན་པ་ནས་བཙན་བྱོལ་བོད་ཀྱི་བུད་མེད་ཀྱི་གནས་སྟངས་རྒྱུས་ལོན་ཆེད་དམིགས་བསལ་དཔྱད་ཞིབ་ལས་གཞིའི་འོག་ཟླ་བ་གཅིག་གི་རིང་བོད་མིའི་གཞིས་ཆགས་ཁག་ཏུ་ལོ་རྒྱུས་བསྡུ་རུབ་བྱེད་རྒྱུ་ཡིན་པས་ཟླ་བ་གཅིག་གི་རིང་འཕྲལ་སེལ་ལས་བྱེད་གྲངས་བརྒྱད་དགོས་མཁོ་འདུག་ན།  རང་རེའི་སྤྱི་ཚོགས་ཁྲོད་ལས་དོན་འདིའི་ཆེད་དོ་དབྱིངས་དང་ཞུགས་འདོད་ཡོད་རིགས་ནས་འཚང་སྙན་འབུལ་སྐབས་ཚང་དགོས་པའི་ཆ་རྐྱེན་གཤམ་གསལ།

དགོས་ངེས་ཆ་རྐྱེན།

 ༡ ། ཤེས་ཚད།   འཛིན་སྐྱོང་དང་སྤྱི་ཚོགས་ཡར་རྒྱས།   དཔལ་འབྱོར།   སྤྱི་ཚོགས་རིག་གནས།   རྒྱལ་སྤྱིའི་ཡར་རྒྱས་སློབ་ཚན་གང་རུང་ཐོག་ཉུང་ཐར་ཚད་ལྡན་མཐོ་སློབ་ནས་ཉེ་བའི་གཙུག་ལག་རམ་འབྱམས་པ་ ༼B.A, B.COM, B.Sc Graduate or higher༽ ཐོན་པ་དང་།   གཞན་ཡང་ཚད་མཉམ་མཐོ་སློབ་ཐོན་པའི་ལག་འཁྱེར་ཡོད་པ།

༢ །   ཤེས་ཚད་ལག་འཁྱེར་ (Degree certificates)   གྱི་ངོ་བཤུས།

༣ །   དང་བླངས་དཔྱ་དངུལ་ལག་དེབ་ཀྱི་ཤོག་བུ་དང་པོ་དང་གཉིས་པ།   སྒྲིག་མཐུན་དཔྱ་དངུལ་འབུལ་འབབ་ཕྱི་ལོ་ ༢༠༡༧ བར་གཙང་ཕུལ་ཟིན་པའི་དཔྱ་དེབ་ཀྱི་ཤོག་གྲངས་མཐའ་མའི་ངོ་བཤུས།

༤ །   རྒྱ་གར་ནང་གནས་སྡོད་ལག་འཁྱེར་ RC གྱི་ཤོག་གྲངས་དང་པོ་དང་ཁྲིམས་མཐུན་དུས་འགྱངས་ཞུས་པའི་ཤོག་བུ་མཐའ་མའི་ངོ་བཤུས།

༥ །   སྨན་པ་ཚད་ལྡན་ནས་གཟུགས་བབ་ལས་འཕེར་ཡིན་པའི་ངོས་སྦྱོར་ངོ་མ།

 

གོང་གསལ་ཆ་རྐྱེན་ཚང་རིགས་ནས་རང་ཉིད་ཀྱི་འཚང་སྙན་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ་གཞུང་ཞབས་ཟུང་དྲུང་གནས་རིམ་ཡན་གྱི་དག་མཆན་ལས་དམ་འཁོད་པ་ཕྱི་ལོ་ ༢༠༡༧ ཟླ་ ༥ ཚེས་ ༢༥ འགྱངས་མེད་གཤམ་མཁོད་དྲུང་ཆེའི་མཚན་བྱང་ཐོག་ཕུལ་འབྱོར་ཟིན་པ་དགོས་རྒྱུ།     དོ་བདག་སོ་སོར་འབྲེལ་བ་གནང་བདེའི་སླད་ཁ་བྱང་།     གློག་འཕྲིན། ༼email༽ཁ་པར་ཨང་བཅས་འཚང་སྙན་ནང་ཁ་གསལ་བཀོད་དགོས།

ཕོགས་དང་གཞན་ཐོབ་ཐང།

བོད་མིའི་སྒྲིག་འཛུགས་ཀྱི་ལས་དྲུང་གནས་རིམ་ཚད་མཉམ་ཐོབ་རྒྱུ་དང་།     ཕྱོགས་བསྐྱོད་སྐབས་མགྲོན་ཁང་གླ་ཉིན་རེར་སྒོར་ ༥༠༠།༠༠   ཞུ་སྤྲོད་ཆོག་རྒྱུ།

 

ཆ་རྐྱེན་ཚང་བའི་ཞུ་སྙན་འབུལ་མཁན་རྣམས་ལ་འདེམས་རྒྱུགས་ཚོགས་ཆུང་ནས་སྐབས་མཚམས་སུ་འབོད་བརྡ་བྱ་རྒྱུ་ཡིན་པ་བཅས་ཀྱི་ཡོངས་ཁྱབ་གསལ་བསྒྲགས་སུ།         དཔལ་འབྱོར་ལས་ཁུངས་ནས་ཕྱི་ལོ་ ༢༠༡༧   ཟླ་ ༥ ཚེས་ ༣ ལ།།

 

འབྲེལ་གཏུག་ཁ་བྱང་།

Secretary,                                                                                                                                                                                                                               Department of Finance ,CTA                                                                                                                                                                                             Ganchen Kyishong,Dharamshala-176215                                                                                                                                                                          Distt Kangra (H.P) India                                                                                                                                                                                                          Ph. no: +91 1892-222487,Email:    Empoweringtibwomen@tibet.net / Finance@tibet.net

 

Share with your friends










Submit