མདུན་ཤོག » བརྒྱུད་ལམ་གཞན་གྱི་གསར་གནས། »

བལ་ཡུལ་གཞུང་གིས་བོད་མི་གཉིས་མུ་མཐུད་འཛིན་བཟུང་གིས་བཀག་བསྐྱིལ་བྱས་འདུག

Share with your friends










Submit

༢༠༡༦ ཟླ་ ༡༡ ཚེས་ ༢༢ རེས་གཟའ་མིག་དམར།

༄༅། །ནོར་ཝེ་བོད་ཀྱི་རླུང་འཕྲིན་ཁང་གིས་གནས་ཚུལ་སྤེལ་བ་ལྟར་ན། ཉེ་སྔོན་བལ་ཡུལ་ཉེན་རྟོག་པས་ཚེས་ ༡༤ ཉིན་བོད་ནས་གསར་དུ་འབྱོར་བའི་བོད་མི་སྐྱ་སེར་ཁྱོན་ ༤༡ སྐོར་ཞིག་བལ་ཡུལ་དང་རྒྱ་གར་གཉིས་ཀྱི་ས་མཚམས་ Kailali ས་ཁུལ་གྱི་ Dhangadhi དགག་སྒོ་ནས་འཛིན་བཟུང་བྱས་པའི་བོད་མི་ ༣༩ གློད་བཀྲོལ་བཏང་ཡོད་ཀྱང་། བོད་མི་གཉིས་མུ་མཐུད་བཀག་བསྐྱིལ་བྱས་འདུག

བོད་མི་དེ་དག་བལ་ཡུལ་གྱི་རྒྱལ་ས་ Kathmandu ནང་དུ་འབྱོར་སྐབས་བལ་ཡུལ་ཕྱི་མི་ཞིབ་བཤེར་ལས་ཁུངས་ཀྱིས་རྟོག་ཞིབ་གནང་པའི་བརྒྱུད་བོད་མི་དེ་དག་དང་བལ་པོའི་ཉེན་རྟོག་པའི་དབར་སྐད་ཀྱི་གོ་བརྡ་མ་འཕྲོད་པར་བརྟེན་འཛིན་བཟུང་བྱས་པ་ཞིག་ཆགས་ཡོད་པ་དང་། བོད་མི་ ༤༡ ཡོད་པ་ལས་བོད་མི་ ༣༩ རྣམས་བོད་ཆོལ་གསུམ་མདོ་སྟོད་སྨད་ནས་ཡིན་ཞིང་ཁོང་རྣམས་ལ་རྒྱ་གཞུང་གི་ཕྱིར་བསྐྱོད་ལག་འཁྱེར་ཡོད་པ་མ་ཟད། བལ་ཡུལ་གཞུང་གི་ཕྱི་མི་ཞིབ་བཤེར་ལས་ཁུངས་སུ་ཐོ་འགོད་ཀྱང་གནང་ཟིན་ཡོད་སྟབས། ཁ་སང་ཚེས་ ༡༦ ཉིན་ཕྱི་དྲོ་ཆུ་ཚོད་ ༥།༠༠ ཡས་མས་ཤིག་ལ་གློད་བཀྲོལ་བཏང་ཡོད་འདུག

ནོར་ཝེ་རླུང་འཕྲིན་ཁང་གིས་བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པའི་འབྲེལ་མཐུད་པ་བཟང་པོ་ལགས་སུ་རྒྱ་གར་ལྷོ་ཕྱོགས་ནས་ཡིན་པའི་བོད་མི་གཉིས་པོའི་གནས་སྟངས་ཇི་ཡིན་ཐད་བཅར་འདྲི་ཞུས་པས་ཁོང་གིས་བོད་མི་གཉིས་ལས་གཅིག་གིས་རྒྱ་གར་གྱི་ Adhaar Card དང་། Pan Card བཅས་ངོ་སྤྲོད་ལག་འཁྱེར་གཉིས་བསྟན་ཡོད་སྟབས། ད་ལྟའི་ཆར་བལ་ཡུལ་ནང་གི་རྒྱ་གར་གཞུང་ཚབ་བརྒྱུད་ཁོང་གཉིས་ཀྱི་ཡིག་ཆ་དེ་དག་ངོ་མ་ཡིན་མིན་ཐོག་ཞིབ་བཤེར་གནང་མུས་ཡིན་སྐོར་གསུངས་པ་དང་སྦྲགས། ཁོང་གཉིས་ཉིན་གཅིག་གཉིས་རིང་མུ་མཐུད་བཀག་བསྐྱིལ་གནང་སྲིད་ཀྱང་དམིགས་བསལ་ཉེན་ཚབས་ཆེ་བ་གང་ཡང་མེད་སྐོར་སོགས་གསུངས་སོང་།

ལྷག་དོན་ཁོང་གིས་བལ་ཡུལ་གཞུང་གིས་བོད་མི་རྣམས་སྐྱབས་བཅོལ་བར་ངོས་འཛིན་གྱིས་རྒྱ་གར་གྱི་མི་སེར་གཞན་ལྟར་ངོ་སྤྲོད་ལག་འཁྱེར་མི་འགྲིག་ཚུལ་བརྗོད་ནས་རྙོག་གླེང་བྱུང་ཚེ། འགྲོ་བ་མིའི་ཐོབ་ཐང་ཚོགས་པའི་ངོས་ནས་བལ་ཡུལ་གྱི་ཁྲིམས་ཁང་དུ་གནད་དོན་དེའི་སྐོར་ཞུ་གཏུག་གནང་འཆར་ཡོད་པ་ཅེས་སོགས་གསུངས། །

Share with your friends










Submit