མདུན་ཤོག » གསར་གནས། » བོད་ནང་གི་ཛ་དྲག་གནས་ཚུལ། »

རྒྱ་ནག་གཞུང་གིས་ཀིརྟི་དགོན་པའི་ནང་གྱོད་དཔེ་ཀློག་དེབ་ཟེར་བར་སློབ་སྦྱོང་བྱེད་དགོས་པའི་བཙན་བཀའ་བཏང་བ།

Share with your friends










Submit

༢༠༡༦ ཟླ་ ༨ ཚེས་ ༢༢ རེས་གཟའ་ཟླ་བ།

748744༄༅། །འདི་གར་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་ལགས་དང་ཀ་ཉག་ཚེ་རིང་ལགས་གཉིས་ཀྱིས་བཏང་གནས་ནང་འཁོད་དོན། ཕྱི་ལོ་༢༠༡༦ ཟླ་༧ ཚེས་༢༨ ཉིན་རྔ་བ་རྫོང་གི་འབྲེལ་ཡོད་ལས་བྱེད་པས་རྔ་བ་ཀིརྟིའི་དགོན་གྱི་གྲྭ་ཤག་རེ་རེ་བཞིན་གྱོད་དཔེ་ཀློག་དེབ་ཟེར་བའི་དེབ་ཆུང་ཞིག་སྤྲད་འདུག་པའི་ནང་རང་ལུས་མེར་སྲེག་གིས་ཞི་བའི་ངོ་རྒོལ་གྱི་སྐད་འབོད་དང་། ༸གོང་ས་མཆོག་གི་སྐུ་པར་འཕྱར་ནས་ཞི་བའི་གོམ་བགྲོད་གནང་བ་སོགས་སྤྱི་ཚོགས་ཀྱི་བདེ་འཇགས་ལ་གནོད་འཚེ་བཟོ་བར་བརྟེན་ཁྲིམས་འགལ་ཡིན་ལུགས་ཀྱིས་ཉེས་ཆད་གཅོད་དགོས་ཚུལ་དང་། དེ་བཞིན་སྐད་འཕྲིན་སོགས་རྒྱུད་ལམ་ནས་ཕྱི་ཕྱོགས་ལ་ས་གནས་ཀྱི་གནས་ཚུལ་སྐུར་བ་སོགས་རྒྱལ་ཁབ་ཀྱི་གསང་དོན་ཕྱི་ལ་བསྒྲགས་པའི་ཉེས་ཆད་གཅོད་རྒྱུ་སོགས་ཀྱི་ནང་དོན་འཁོད་པའི་བོད་རྒྱ་ཡིག་རིགས་གཉིས་ཀྱི་ཐོག་ཡོད་པ་ཞིག་སྤྲད་དེ་གྲྭ་པ་རེ་རེ་བཞིན་འདི་ལ་སློབ་སྦྱོང་ནན་ཏན་བྱེད་དགོས་ཚུལ་གྱི་བཙན་བཀའ་བཏང་འདུག དེའི་སྐོར་ལ་རྔ་བ་རྫོང་གི་དགོན་པ་ཁག་བཞི་བཅུ་ལྷག་བསྡུས་ནས་ཚོགས་འདུ་ཚོགས་ཏེ་བཅའ་ཁྲིམས་དགོན་པར་བསྐྱལ་བའི་ལས་དོན་ལེགས་གྲུབ་བྱུང་ཚུལ་རྔ་བའི་གསར་འགྱུར་ནང་བསྒྲགས་ཡོད།

དེའི་སྐོར་བོད་ནང་ནས་འགྲེལ་བརྗོད་གནང་དོན། ལས་འགུལ་འདི་ནི་རྒྱ་གཞུང་གིས་བོད་ཐོག་ལ་གདུག་རྩུབ་ཀྱི་བྱ་སྤྱོད་གང་སྤེལ་ཡང་ཁྲིམས་མཐུན་ཡིན་ལུགས་དང་། བོད་མི་རྣམས་ཀྱིས་བདེན་པའི་གནས་ལུགས་རེ་བཤད་པ་དང་། སྡུག་སྨྲེ་རེ་བཏོན་པའང་ཁྲིམས་འགལ་ཡིན་ལུགས་སྒྲུབ་བྱེད་ཀྱི་དབང་མཐའ་སྒེར་གཅོད་ཀྱི་གདོང་རིས་ངོ་མ་ཞིག་ཡིན་པའི་བསམ་ཚུལ་མང་པོ་ཡོང་གི་འདུག

དེ་སྔོན་རྒྱལ་གཅེས་དཔའ་བོ་བློ་བཟང་ཕུན་ཚོགས་ཀྱི་ཨ་ཁུ་དང་ཤག་གི་དགེ་རྒན་ཡིན་པའི་དགེ་འདུན་པ་བློ་བཟང་བརྩོན་འགྲུས་ལགས་ལ་ཕུན་ཚོགས་བསད་པའི་ཉེས་མིང་གཡོག་ནས་ལོ་ ༡༡ བཙོན་འཇུག་ཁྲིམས་ཐག་བཅད་ཡོད་པ་དང་། དེ་བཞིན་དགེ་འདུན་པ་བློ་བཟང་དཀོན་མཆོག་ལགས་ཀྱིས་རང་ལུས་མེར་སྲེག་ལ་བརྒྱུད་སྐུལ་བྱས་པའི་ཉེས་མིང་གཡོག་ནས་ལོ་གཉིས་ནར་འགྱངས་ཀྱིས་སྲོག་ཐོག་གི་ཉེས་ཆད་བཅད་པ། ཡང་མཛོད་དགེ་རྫོང་ནས་དཀོན་མཆོག་དབང་མོས་རང་ལུས་མེར་སྲེག་གནང་བ་མོ་རང་གི་ཁྱོ་ག་སྒྲོལ་མ་སྐྱབས་ལ་བཟའ་ཟླ་བསད་པའི་ཉེས་མིང་གཡོག་ནས་སྲོག་ཐོག་གི་ཉེས་ཆད་བཅད་པ་སོགས་རང་ལུས་མེར་སྲེག་གཏོང་མཁན་རྣམས་ཀྱི་ཤུལ་ལུས་འབྲེལ་ཡོད་ནང་མི་སྤུན་མཆེད་སོགས་ལ་མི་སྤྱོད་ལས་འདས་པའི་དཀའ་སྡུག་མནར་གཅོད་སྣ་ཚོགས་བཏང་ཡོད་པ་བཅས། །858777445454444

Share with your friends










Submit