མདུན་ཤོག » གསར་གནས། » བོད་ནང་གི་ཛ་དྲག་གནས་ཚུལ། »

ཞོགས་ལྗང་ལགས་ལ་ལོ་གསུམ་གྱི་ཁྲིམས་ཐག་བཅད་པ།

༢༠༡༦ ཟླ་ ༢ ཚེས་ ༡༩ རེས་གཟའ་པ་སངས།

ཞོགས་ལྗང་།༄༅། །ཕྱི་ལོ་ ༢༠༡༦ ཟླ་ ༢ ཚེས་ ༡༧ ཉིན་གྱི་སྔ་དྲོ་བོད་པའི་རྩོམ་པ་པོ། འགྲོ་བ་མིའི་ཐོབ་ཐང་དང་རང་དབང་འཐབ་རྩོད་པ་ཞོགས་ལྗང་ལགས་ལ་རྨ་ལྷོ་ཁུལ་འབྲིང་རིམ་མི་དམངས་ཁྲིམས་ཁང་གིས་ལོ་ ༣ གྱི་བཙོན་འཇུག་ཁྲིམས་ཐག་བཅད་འདུག

Shogjangcopyདེ་ཡང་བརྒྱུད་ལམ་ཁག་གི་ནང་གནས་ཚུལ་ཐོན་གསལ་ལྟར་ན། ཟླ་འདིའི་ཕྱི་ཚེས་ ༡༥ ཉིན་ཐུན་རིན་ཁྲིམས་ཁང་གིས་ཞོགས་ལྗང་ལགས་ཀྱི་ནང་མིར་བརྡ་ལན་བཏང་སྟེ་ཕྱི་ཚེས་ ༡༧ ཉིན་ཁོང་ལ་ཁྲིམས་ཐག་གཅོད་རྒྱུ་ཡིན་སྐོར་བརྗོད་ཡོད་འདུག ཕྱི་ཚེས་ ༡༧ ཉིན་ཁོང་གི་ནང་མི་གཉེན་འབྲེལ་དང་ཚོ་བའི་མི་སྣ་སོགས་མི་གྲངས་ ༤༠ ལྷག་རེབ་གོང་དུ་ཕྱིན་སྐབས། ཁྲིམས་རྩོད་སོགས་ཀྱི་གོ་རིམ་གང་ཡང་མེད་པར་ཁྲིམས་དཔོན་ཞིག་གིས་ཞོགས་ལྗང་ལགས་ཀྱིས་ཕྱི་ལོ་ ༢༠༠༨ ལོར་མི་རིགས་ཁ་བྲལ་གྱི་ཟིང་ཆ་བསླངས་པ་དང་ཕྱི་གྱར་ཁ་བྲལ་བར་ལྐོག་འབྲེལ་བྱས་པ། ཆ་འཕྲིན་བརྒྱུད་ལམ་ཁག་ཏུ་ཐེངས་མང་པོར་སྤྱི་ཚོགས་བརྟན་ལྷིང་ལ་གནོད་པའི་བརྗོད་བྱ་སྤེལ་བ་སོགས་ནག་ཉེས་ ༤ བགྲང་སྟེ་ལོ་ ༣ གྱི་ཁྲིམས་ཐག་བཅད་སྐོར་དྲིལ་བསྒྲགས་བྱས། མཇུག་ཏུ་ཉིན་ ༡༠ ནང་ཚུད་ལ་ཐེངས་འདིར་ཁྲིམས་ཐག་བཅད་པ་དེ་ངོས་ལེན་ཡོད་མེད་མཚན་རྟགས་འགོད་ནས་འགེངས་ཤོག་བསྐང་དགོས་པའི་བཀའ་བཏང་། ཞོགས་ལྗང་ལགས་ཀྱིས་སྐབས་དེར་ཞུ་གཏུག་བསྐྱར་དུ་བྱ་རྒྱུ་ཡིན་སྐོར་བརྗོད་ཡོད་འདུག དེ་རྗེས་ལོ་ན་བཞི་ལ་སོན་མ་ཐག་པའི་ཁོང་གི་ཕྲུ་གུར་སྐར་མ་ ༤ རིང་ཐུག་ཏུ་བཅུག་རྗེས་ཕྱིར་འཁྲིད་ཡོད་འདུག ནང་མི་ཚོས་སྔོན་ཆད་ཟ་མ་དང་གྱོན་ཆས་སོགས་སྤྲོད་དུ་འཇུག་གི་ཡོད་ཀྱང་སྔར་ལོའི་ཕྱི་ཟླ་ ༡༢ ཚེས་འགོ་ཞིག་ནས་ཅ་དངོས་གང་ཡང་སྤྲད་མ་ཆོག་པ་བཟོས་འདུག

རྩོམ་པ་པོ་ཞོགས་ལྗང་ལགས་ཕྱི་ལོ་ ༢༠༡༥ ཟླ་ ༣ ཚེས་ ༡༩ ཉིན་མཚོ་སྔོན་རེབ་གོང་དུ་རྒྱ་ནག་གི་ཉེན་རྟོག་པས་འཛིན་བཟུང་བཙན་ཁྲིད་བྱས་ཡོད་ཅིང་། སྐབས་དེར་ཁོང་ལ་ནག་ཉེས་ཅི་ཞིག་བཙུགས་ཡོད་པ་གསལ་ཁ་མེད་ཀྱང་། ཁོ་རང་གི་གྲོགས་པོ་ཚོས་ཞོགས་ལྗང་ལགས་ཀྱིས་དེ་སྔོན་འགྲོ་བ་མིའི་ཐོབ་ཐང་དང་མང་གཙོ། རང་དབང་སོགས་ཀྱི་སྐོར་རྩོམ་ཡིག་མང་པོ་སྤེལ་བ་དང་། ལྷག་པར་ཁོང་གི་ཟིན་བྲིས་ནང་བོད་པའི་ས་གནས་ཁ་ཤས་ནང་སྐོར་སྐྱོད་གནང་བའི་མཐོང་ཐོས་སེམས་ཚོར་དང་སྦྲགས་ནས་བྲིས་ཡོད་སྟབས། རྒྱ་གཞུང་གིས་དེ་དག་ཆབ་སྲིད་དང་འགལ་བར་ངོས་འཛིན་བྱས་པ་ཡིན་པའི་ཚོད་དཔག་བྱས་ཡོད་འདུག

Shogjang's bookཕྱི་ལོ་ ༢༠༠༨ ལོར་བོད་ནང་ས་བྱི་ཞི་རྒོལ་བྱུང་སྐབས་ཁོང་ནུབ་བྱང་མི་རིགས་སློབ་ཆེན་གྱི་དངོས་གཞིའི་སློབ་མ་ཡིན་ཞིང་། སྐབས་དེར་ཁོང་དང་ཐེའུ་རང་ངམ་བཀྲ་ཤིས་རབ་བརྟན་སོགས་ཀྱིས་སྣེ་ཁྲིད་དེ་ནུབ་ བྱང་མི་རིགས་སློབ་ཆེན་གྱི་སློབ་མ་ཚོས་ལག་ཏུ་༼བོད་མིའི་སྐྱིད་སྡུག་མཉམ་ མྱོང་།༽ཞེས་འཁོད་པའི་འཕྲེད་དར་བཟུང་སྟེ། སློབ་གྲྭའི་ནང་ཞི་བའི་རྔམ་སྟོན་སྐོར་སྐྱོད་དང་དགོང་མོ་སློབ་གྲྭའི་ཐང་ཆེན་ དུ་མྱ་ངན་གྱི་མར་མེ་སྒྲོན་པ་སོགས་གནང་ཡོད་སྟབས། ཕྱི་ལོ་ ༢༠༡༠ ཟླ་ ༤ ཚེས་ ༦ ཉིན།( ཕྱི་ཟླ་ ༥ ཚེས་ ༡༠ ཟེར་བ་ཞིག་ཀྱང་འདུག) རྒྱ་ནག་གི་ཉེན་རྟོག་པས་ཞོགས་ལྗང་དང་ཐེའུ་རང་གཉིས་ནུབ་བྱང་མི་རིགས་སློབ་ཆེན་ནས་འཛིན་བཟུང་བྱས་ཏེ། ཞོགས་ལྗང་ལ་ཕྱི་ཕྱོགས་ཀྱི་གཞོན་ནུ་ཚོགས་པ་དང་བླ་མ་ཤིང་གཟའ་ཚང་སོགས་ལ་འབྲེལ་བ་ཡོད་པའི་ཉེས་འཛུགས་བྱས་ཏེ། ལན་ཀྲུག་ཁྲིམས་ཁང་ནས་ཟླ་གཅིག་ལྷག་རིང་ཞི་དྲག་གཉིས་ཐོག་ནས་འདྲི་རྩད་བཀགShogjang's book2་བསྐྱིལ་བྱས་མཐར་ཀློད་བཀྲོལ་བཏང་ཡོད་པ་དང་། ཐེའུ་རང་ཟི་ཁྲོན་ལ་འཁྲིད་དེ་ལོ་བཞི་ཡི་ཁྲིམས་ཐག་བཅད་དེ་ཕྱི་ལོ་ ༢༠༡༤ ཟླ་ ༣ ཚེས་ ༢༩ ཉིན་གློད་བཀྲོལ་བཏང་ཡོད།

ཞོགས་ལྗང་ལགས་ཀྱི་དངོས་མིང་ལ་འབྲུག་ལོ་ཟེར་བ་དང་། ཀན་སུའུ་ཞིང་ཆེན་ཀན་ལྷོ་ཁུལ་བསང་ཆུ་རྫོང་། རྒན་རྒྱ་ཡུལ་འཚོ་ཁ་རྒྱ་སྡེ་བ་ནས་ཡིན་ཞིང་། ཁོང་གི་ཕ་ཚབ་ཀྱི་མིང་ལ་རྟ་མགྲིན་དང་མ་མིང་ལ་ལྷ་མོ་སྐྱིད་ཞུ་བ་དང་། ཁོང་ཕྱི་ལོ་ ༡༩༨༦ ལོར་སྐྱེས་ཤིང་ད་ལྟ་རང་ལོ་ ༣༠ ཡིན་འདུག ཁོ་རང་སློབ་ཆེན་ཐོན་རྗེས་ཤེས་ཡོན་གྱི་ལས་ཀ་ཙག་ཙིག་རེ་བྱས་ཏེ་རང་འཚོ་བྱས་ཡོད། ད་ལྟ་ཁོང་གི་ནང་དུ་བཟའ་ཟླ་དང་ཕྲུ་གུ་ལོ་ན་ ༤ ལ་སོན་པ་གཅིག་ཡོད་ཅིང་། ཕྲུ་གུ་དེའི་མིང་ལ་རང་དབང་ལ་དགའ་བ་ཞེས་བཏགས་ཡོད་འདུག
ཁོང་ནུབ་བྱང་མི་རིགས་སློབ་ཆེན་ནས་ཐོན་སྐབས། སྲིད་གཞུང་གིས་མཐར་ཕྱིན་རྒྱུགས་འགྲན་ནང་ཞུགས་བཅུག་མེད་པ་མ་ཟད། དུས་རྒྱུན་ཁོ་རང་གི་འགུལ་སྐྱོད་ལ་ལྟ་རྟོག་བྱེད་པ་དང་། ལས་ཀའི་ཐད་དུའང་དཀའ་རྙོག་མང་པོ་བཟོས་ཡོད་འདུག ཞོགས་ལྗང་ལགས་ཀྱིས་དེ་སྔ་བོད་དོན་དང་འབྲེལ་བའི་རྩོམ་ཡིག་མང་པོ་སྤེལ་མྱོང་ཞིང་། རྒྱ་རིགས་མང་གཙོ་དོན་གཉེར་བ་ཝང་ལི་ཞུང་དང་ཡུ་ཅེ་སོགས་ཀྱི་རྩོམ་ཡིག་མང་པོ་བོད་བསྒྱུར་གནང་བ་དང་། ཁོང་གིས་དེ་སྔ་ལམ་གྱི་སྙིང་སྟོབས། ཞེས་པ་ཞིག་བྲིས་པ་དེ་རྒྱ་ནག་གིས་བཀག་སྡོམ་གཞུང་བཞེས་བཏང་ཡོད་པ་དང་། དེ་ལས་གཞན་རང་གྲོལ་སྙིང་སྟོབས།དང་། རང་དབང་གི་ཆེད་དུ། ང་ལ་བློ་འགྱོད་མེད། སྙུ་གུའི་སྟོབས། ཞེས་པའི་དཔེ་དེབ་ཁག་གཅིག་དཔར་སྐྲུན་ཞུས་ཡོད་པ་བཅས།།

Share with your friends










Submit